Umshumayeli 8:11 - Siswati 1996 Bible

¹¹ Ngenca yekutsi sigwebo sentfo lembi siyephuta kukhishwa, tinhlitiyo tebantfu setihlosa kwenta bubi ngesibindzi.

Umshumayeli 8:11 Iomraidhean Croise

2 Samuweli 11:15

Kulencwadzi abebhale watsi: “Beka Uriya embili lapho imphi ishisa ngakhona. Bese niyakhwesha kuye, nentele kutsi atewubulawa.”

Jobe 24:23

Angabenta bativele kuphumula lokuphephile, kodvwa emehlo akhe abuka tindlela tabo.

Tihlabelelo 10:4

Lomubi uyatigabatisa, akanaki lutfo, emicabangweni yakhe yonkhe, utsi: “Kute Nkulunkulu.”

Tihlabelelo 10:6

Enhlitiyweni yakhe ucabanga utsi: “Ngingeke nginyakatiswe, ngingeke ngibe nenhlanhla lembi titukulwane ngetitukulwane.”

Tihlabelelo 86:15

Kodvwa wena, Simakadze, unguNkulunkulu lonesihawu, nebubele, nekubeketela, uphuphuma umusa nekwetsembeka.

Eksodusi 34:6

Simakadze wendlula embikwakhe wamemeta watsi: “Simakadze, Simakadze, Nkulunkulu lonesihawu nemusa; uyephuta kutfukutsela andze ngemusa nangekwetsembeka,

Eksodusi 8:15

Kodvwa Faro watsi kube abone kutsi tigogodvolo setifile, wenta inhlitiyo yakhe yaba lukhuni, njengobe abevele ashito Simakadze. Faro akazange abalalele boMosi na-Aroni kutsi batsini.

Eksodusi 8:32

Kodvwa Faro waphindze wenta inhlitiyo yakhe yaba lukhuni, wangete wabavumela kutsi bahambe.

Umshumayeli 9:3

Naku lokubi kuko lokwentekako lapha ngaphansi kwemtfunti welilanga: Bonkhe behlelwa siphetfo lesifananako. Ngetulu kwaloko tinhlitiyo tebantfu tigcwele bubi, kantsi kunebuhlanya etinhlitiyweni tabo basaphila, emvakwaloko bangena ekufeni.

Isaya 26:10

Naloku umusa sewuphiwe lababi, bona solo abakufundzi kulunga; ngisho naseveni lebucotfo bachubeka benta lokubi, bangabunaki bukhosi baSimakadze.

Isaya 57:11

“Ngubani lona lebewumvevela kangaka, umesaba, uze ungetsembeki kimi, ungasangikhumbuli, futsi ungasangicabangi ngisho nasenhlitiyweni yakho? Akwentiwa kutsi sengithule sikhatsi lesidze yini lokutsi ungasangesabi?

Jeremiya 42:15

ngako vanini livi laSimakadze, nine nsali yakaJuda. Naku lokushiwo nguSimakadze longuSomandla, Nkulunkulu wema-Israyeli, utsi: ‘Nanitimisele kuhamba niye eGibhithe, bese vele niyaya nekutsi niyewuhlala khona,

Jeremiya 48:11

“Mowabi abesaphumulile kusukela kwasebusheni bakhe, njengeliwayini lelisele emashiceni, lingakatfululwa kuloludziwo lafakwa kulolwa; akakayi ekudzingisweni. Ngako usanambitseka njengobe abenjalo, neliphunga lakhe alikagucuki.”