Umshumayeli 5:8 - Siswati 1996 Bible

⁸ Nawubona lophuyile acindzetelwe endzaweni letsite, asemukwe emalungelo akhe nekwehlulelwa ngebucotfo, kungakumangalisi loko. Lowo nalowo lophetse unemuntfu longetulu kwakhe, kantsi nalowo longetulu kwakhe unemuntfu longetulu kwabo bonkhe.

Umshumayeli 5:8 Iomraidhean Croise

2 Tikhronike 26:10

Waphindze wakha leminye imibhoshongo ehlane, wemba nemitfombo leminyenti, ngobe abefuye kakhulu, abenemihlambi leminyenti emaceleni etintsaba kanye nasematsafeni. Abenebantfu lababemsebentela emasimini, nasetivinini takhe etintsabeni kanye nasetindzaweni letivundzile, ngobe abetitsandza tekulima.

Jobe 24:23

Angabenta bativele kuphumula lokuphephile, kodvwa emehlo akhe abuka tindlela tabo.

Tihlabelelo 12:5

Simakadze-ke yena utsi: “Njengobe timphuya setichwagiwe, nanjengobe tihlupheki timpintjekile, ngitakuta ngimephule lowo lofuna lusito, bese ngimbeka endzaweni lengenangoti.”

Tihlabelelo 55:9

Hhawu, Simakadze, citsa lusongo lwabo, uphambanise inkhulumo yabo, ngobe ngibona umbango nekuphikisana kulelidolobha.

Tihlabelelo 82:1

Nkulunkulu ukhuluma emhlanganweni lomkhulu, wehlulela bonkulunkulu utsi:

Tihlabelelo 83:18

Shangatsi bangati kutsi nguwe wedvwa lolibito lakhe linguSimakadze, nguwe Losetikwako Konkhe, lophakeme abuse umhlaba wonkhe.

Tihlabelelo 95:3

Ngobe Simakadze nguNkulunkulu lomkhulu, unguMbusi lomkhulu lonemandla kunabo bonkhe bonkulunkulu.

Taga 22:16

Lowo locindzetela lomphofu entela kuticebisa, yena nalowo lopha tipho kulabacebile, bobabili bagcina baphuyile.

Taga 24:12

ungasho kutsi: “Bengingakwati-ke loku,” ngobe Nkulunkulu uyati, ehlulele tinhloso takho. Lowo lokwelusako uyakwati loko. Yena uyawuvuza lowo nalowo njengekwemisebenti yakhe.

Taga 8:17

Ngiyabatsandza laba labangitsandzako, nalabo labangifunisisako bayangitfola;

Umshumayeli 3:16

Ngetulu kwaloko kukhona lokunye lengaphindze ngakubona lapha ngaphansi kwemtfunti welilanga: lapho kwakufanele kusebenta khona umtsetfo, kwasebenta umonakalo; lapho kwakufanele kusebente khona kulunga, kwasebenta umonakalo.

Umshumayeli 4:1

Ngaphindze ngabuka ngabona konkhe kucindzetelana lokwentiwako lapha ngaphansi kwemtfunti welilanga: Ngabona tinyembeti talabacindzetelwe, bate ngisho nemdvudvuti; emandla abengakubacindzeteli babo, kodvwa labo labacindzetelwe bate ngisho nemdvudvuti.

Umshumayeli 5:9

Inala yemhlaba itfolwa ngibo bonkhe bantfu; ngisho nenkhosi imbala nayo iyabuyelwa nguloko lokutfolakala emhlabatsini.

Umshumayeli 7:7

Ngempela, inkhohliso yenta umuntfu lohlakaniphile abe silima; umdizo wonakalisa inhlitiyo nengcondvo.

Umshumayeli 8:9

Konkhe loku ngakubona ngisacabangisisa ngako konkhe lokwenteka lapha ngaphansi kwemtfunti welilanga. Sikhona sikhatsi lapho umuntfu usuke atihlisibete etikwalabanye kantsi utilimata yena.

Isaya 10:12

Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.

Isaya 3:15

Nisho kutsini ngalokupitjita sive sami, nigaye buso balabamphofu?” kusho iNkhosi, Simakadze longuSomandla.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Hezekeli 18:18

Kodvwa uyise yena uyakufa ngenca yesono sakhe, ngobe nguye lowenta kuphanga ngebugebengu, wadlelela umnakabo, wenta lokubi kubantfu bakubo.

Amose 5:12

Ngobe ngiyati kutsi mangaki emacala enu nekutsi tono tenu tikhulu kangakanani. Niyabacindzetela labalungile, nitsatse imidizo, nemuke labamphofu emalungelo abo etinkhundleni.

Amose 6:12

Emahhashi ayagijima yini emadvwaleni latihhehle? Umuntfu angalima yini khona lapho ngetinkhabi? Kodvwa nine senijikise umtsetfocotfo, nawenta waba butsi, netitselo tekulunga natenta tababa,

Mikha 2:9

Nicosha bafati besive sami emakhaya abo labawatsandzako, nemuke nebantfwababo tibusiso tami taphakadze.

Zakhariya 8:6

Naku lokushiwo nguSimakadze longuSomandla, utsi: “Nangabe kubonakale kusimangaliso kulensali yalabantfu ngaleso sikhatsi, kodvwa ingabe nakimi kuyawuba simangaliso yini?” kusho Simakadze longuSomandla.

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Lukha 1:32

Uyawuba mkhulu, abitwe ngekutsi yiNdvodzana yaNkulunkulu Losetikwako Konkhe. Nkulunkulu iNkhosi iyawumnika sihlalo sebukhosi sakhokho wakhe Davide,

Lukha 1:35

Ingilosi yamphendvula yatsi: “Moya Longcwele uyakwehlela kuwe, emandla aNkulunkulu Losetikwako Konkhe akusibekele. Ngako-ke lomntfwana Longcwele lotawutalwa nguwe uyawubitwa ngekutsi yiNdvodzana yaNkulunkulu.

Lukha 1:76

Nawe-ke, mntfwana, uyawubitwa ngekutsi ungumphrofethi waNkulunkulu Losetikwako Konkhe; uyakwendvulela iNkhosi kulungisa tindlela tayo,

Imisebenti yebaPhostoli 12:23

Khona lapho ingilosi yeNkhosi yashaya Herodi, ngobe abengamniki Nkulunkulu ludvumo. Wadliwa tibungu waze wafa.

KubaseRoma 11:33

Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.

1 yaPhetro 4:12

Batsandzekako, ningamangaliswa ngulokuvivinywa lokubuhlungu kakhulu lokunikhantingako, kube shangatsi nehlelwa yintfo lengakavami.

1 yaJohane 3:13

Ningamangali, bazalwane, nanitondvwa live.