Umshumayeli 11:10 - Siswati 1996 Bible

¹⁰ Ngako-ke cosha kungeneliseki engcondvweni yakho, utsintsitse tinhlupheko emtimbeni wakho, ngobe busha nekucala kwemphilo kulite nje.

Umshumayeli 11:10 Iomraidhean Croise

Jobe 11:12

Indvodza lesilima iyawucala kuba ngulehlakaniphile, mhlazana imbongolo yesiganga itala umuntfu.

Jobe 13:26

Ungibeka emacala lamatima, ungetfwese emacala etono lengatenta ngisemusha.

Jobe 20:11

Emandla ebusha lagcwele ematsanjeni akhe ayawulala kanye naye elutfulini.

Tihlabelelo 25:7

Ungatikhumbuli tono tami, netiphambuko tebusha bami, kodvwa ngikhumbule ngekwemusa wakho, Simakadze, ngikhumbule ngekulunga kwakho.

Tihlabelelo 39:5

Imihla yami ingangemphama yesandla. Kuphila kwami kubukeka kulite kuwe. Impela, kuphila kwemuntfu kunjengenkhungu. Cabanga.

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Taga 22:15

Bulima buboshelwe engcondvweni yemntfwana; kodvwa luswati luyabutsintsitsa bonkhe.

Umshumayeli 1:14

Ngikubone konkhe lokwentiwako ngaphansi kwemtfunti welilanga; konkhe kulite, kufanana nekucosha umoya.

Umshumayeli 1:2

“Lite lelite!” kusho uMshumayeli. “Kulite mbamba! Konkhe kulite.”

Umshumayeli 12:1

Khumbula uMdali wakho etinsukwini tebusha bakho, tinsuku tekuhlupheka tisengakefiki, neminyaka isengakasondzeli lapho uyawusho ngayo utsi: “Kuphila angisakujabuleli.”

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.

2 kuThimothi 2:22

Ngako-ke balekela tinkhanuko tebusha, kodvwa hambisana nalabo labakhuleka eNkhosini ngenhlitiyo lehlambululekile, ujonge kulunga, nekukholwa, nelutsandvo, nekuthula.