Umshumayeli 10:14 - Siswati 1996 Bible

¹⁴ silima siba nemavi lamanyenti. Kodvwa ekugcineni kubate lowatiko kutsi yini letako. Ngubani nje longamtjela kutsi kutakwentekani emvakwakhe?

Umshumayeli 10:14 Iomraidhean Croise

Jobe 34:37

wengeta buvukelambuso kulesono sakhe, ushaya tandla tendzelelo lapha emkhatsini wetfu, alibale kutsakuta, abaliselana naNkulunkulu.”

Jobe 35:16

Ngako-ke Jobe ukhuluma umbhedvo wodvwa nje; ulibala kutsakuta lite nje lodvwa, kodvwa abe angenalwati.”

Taga 10:19

Kukhuluma lokunyenti kubanga kona, ngako umuntfu lohlakaniphile uyawabamba emavi akhe.

Taga 15:2

Emavi emuntfu lohlakaniphile enta lwati lutsandzeke; kodvwa tilima titfulula bulima ngemlomo wato.

Umshumayeli 10:15

Silima sitigugisa sona ngemisebenti yaso size sife, ngobe asiyati nendlela leya edolobheni.

Umshumayeli 3:22

Ngako ngase ngiyabona kutsi kute lokuncono kumuntfu ngaphandle kwekutsi atijabulise ngemsebenti wakhe lawentako, ngobe phela leso ngusona sabelo sakhe. Empeleni ngubani nje longamvusa kuze atewubona kutsi kutakwentekani nase afile?

Umshumayeli 5:3

Njengobe liphupho likuhlasela nawuneminako leminyenti, kanjalo nenkhulumo yesilima ibonakala ngemavi lamanyenti.

Umshumayeli 6:12

Empeleni ngubani longahle ati kutsi yini lenhle lefanele umuntfu kulokuphila, nakulamalangana lambalwa nalalite lendlula kuwo njengesitfunti? Ngubani nje longatjela lomunye umuntfu kutsi kutakwentekani lapha ngaphansi kwemtfunti welilanga nangasekho?

Umshumayeli 7:14

Natintfo tihamba kahle, tsakasa; kodvwa natintfo tingahambi kahle, khumbula naku: Nkulunkulu ukuvumela kutsi kwenteke kokubili. Ngako-ke umuntfu angeke akwati kubona lutfo ngelikusasa lakhe.

Umshumayeli 8:7

Njengobe kute umuntfu lowati likusasa lakhe kutsi limphatseleni, ngubani nje longasho kutsi yini letakwenteka?

Umshumayeli 9:1

Ngacabangisisa ngako konkhe loko, ngabona kutsi lolungile nalohlakaniphile nako konkhe labakwentako kusesandleni saNkulunkulu, nome kulutsandvo nome kuyinzondo; kute lowatiko. Konkhe lokusembikwabo kulite.

Hezekeli 35:13

Wangichoshela, wakhuluma kabi ngami ngaphandle kwekutibamba, ngakuva loko.