Tikhulu 7:4 - Siswati 1996 Bible

⁴ Kodvwa Simakadze wakhuluma kuGideyoni, watsi: “Asemanyenti lamadvodza. Watsatse wehlele nawo emfuleni, ngitakuhlungela wona khona lapho. Nangitsi: ‘Lona utawuhamba nawe,’ kufanele ahambe, kodvwa nangitsi: ‘Lona angeke ahambe nawe,’ kufanele angahambi.”

Tikhulu 7:4 Iomraidhean Croise

Genesisi 22:1

Emvakwaloko Nkulunkulu wavivinya Abrahama, watsi kuye: “Abrahama! Ye, Abrahama!” Waphendvula watsi: “Ngilapha, Nkhosi!”

Jobe 23:10

Kodvwa yena uyayati indlela lengiyitsatsako; utawutsi angangivivinya, ngiphume sengiyigolide.

Tihlabelelo 33:16

Kute inkhosi lencoba sitsa ngobe inemabutfo lamanyenti, nesichwaga asincobi ngebunyenti bemandla aso.

Tihlabelelo 66:10

Wena Nkulunkulu, usivivinyile, usihlambulule ngekusicenga njengekucengwa kwesiliva emlilweni.

Tihlabelelo 7:9

Ncandza bubi balababi, wakha lolungile, ngobe nguwe Nkulunkulu wekulunga lohlola tingcondvo netinhlitiyo.

Tikhulu 7:5

Ngako Gideyoni watsatsa lamadvodza wehlela emfuleni. Nasefike lapho, Simakadze wakhuluma kuye, watsi: “Yehlukanisa labo labanatsa ngekucapha lamanti njengenja, kulabo labaguca phansi nabanatsako.”

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”

1 Samuweli 16:7

Kodvwa Simakadze wakhuluma kuSamuweli, watsi: “Ungabheki kubukeka nebudze bakhe, ngobe yena ngimalile. Simakadze akabuki tona tintfo letinakwa ngumuntfu. Umuntfu ubuka lingaphandle lemuntfu, kodvwa Simakadze ubuka inhlitiyo.”