Tikhulu 5:22 - Siswati 1996 Bible

²² “Kwadvuma tigi tetinselo temahhashi. Gidzidzidzi! Gidzidzidzi! Aholobha emahhashi akhe lanemandla!

Tikhulu 5:22 Iomraidhean Croise

Jobe 39:19

“Lihhashi uyalinika yini emandla alo, nome wembese intsamo yalo ngemdlonga?

Tihlabelelo 20:7

Labanye bantfu bachoshe ngetincola temphi, labanye bachoshe ngemahhashi, kodvwa tsine sigabe ngelibito laSimakadze longuNkulunkulu wetfu.

Tihlabelelo 33:17

Lihhashi lemphi lingeke likukhulule; nome lingaba nemandla lamakhulu, lingeke likusindzise.

Isaya 5:28

imicibisholo yabo iyakhalipha, bonkhe butjoki babo sebugotjiwe, tinselo temahhashi abo tilukhuni njengematje, emasondvo etincola tabo temphi afanana nesiwunguwungwana semoya.

Jeremiya 47:3

nabeva umsindvo wetinselo temahhashi akhe, nebukhehlekhehle betincola takhe temphi, nemsindvo wemasondvo ato. Boyise bangeke baphendvuke babasite bantfwababo, ngobe tandla tabo tiyawulenga.

Jeremiya 47:4

Ngobe lilanga lona selifikile lekubhubhisa onkhe emaFilisti, nekubhubhisa nekucedza bonkhe labayinsali lababengasita iThire neSidoni. Simakadze sewutawabhubhisa emaFilisti, imisalela yalabo labaphuma eKhrethe.

Jeremiya 8:16

Kuthimula kwemahhashi etitsa kuyevakala kuvela kulakaDani, kukhala kwetinjomane tabo kutfutfumelisa lonkhe live. Tifikele kutawushwabudzela live nako konkhe lokukulo, lidolobha kanye nabo bonkhe labahlala kulo.”

Hezekeli 27:14

“ ‘Emadvodza aseBhethi Togama ashintjiselana nawe ngemahhashi emisebenti, newemphi nangeminyuzi ngetimphahla takho.

Mikha 4:13

Simakadze utsi: “Sive saseJerusalema, hambani nijezise titsa tenu, nitibhule njengemabele! Ngiyakunenta nibe nemandla njengenkunzi lenetimphondvo letiyinsimbi ibe nemasondvo elitfusi. Niyawucotfula tive letinyenti, bese kutsi umcebo letatiwutfole ngendluzula niwuletse kimi, mine Simakadze, iNkhosi yemhlaba wonkhe.”