Tikhulu 21:10 - Siswati 1996 Bible

¹⁰ Ngako umhlangano watfumela emabutfo lati-12 000 kutsi aye eJabeshi Gileyadi, afike abulale bonkhe labahlala khona, ngisho nebafati nebantfwana.

Tikhulu 21:10 Iomraidhean Croise

Numeri 31:17

Bulalani bonkhe bafana, nibulale bonkhe labasikati labake balala nemuntfu lomdvuna,

Dutheronomi 13:15

kufanele nibabulale ngenkemba bonkhe labahlala kulelo dolobha. Nilibhubhise lonkhe lelo dolobha, bantfu balo kanye netifuyo talo.

Joshuwa 7:24

Ngako Joshuwa naso sonkhe sive saka-Israyeli, batsatsa Akhani, umsa waZera, nesiliva, nengubo, nalolucetu lwegolide, nemadvodzana nemadvodzakati akhe, netinkhomo netimbongolo takhe, netimvu takhe, nelithende lakhe, nako konkhe labenako, bakuyisa eSihosheni sase-Akhori.

Tikhulu 21:5

Baka-Israyeli babuta batsi: “Ngubani emkhatsini wato tonkhe tive taka-Israyeli longazange aye kuyawuhlangana embikwaSimakadze?” Phela bebafunge bagomela kutsi lowo longazange ete emhlanganweni embikwaSimakadze eMispa uyawubulawa nome kanjani.

Tikhulu 21:8

Ngako base bayabuta batsi: “Ngusiphi sive, etiveni tema-Israyeli, lesingazange site emhlanganweni embikwaSimakadze eMispa?” Bakhandza kutsi bekute ngisho namunye lophuma eJabeshi Gileyadi labetile enkambu kulowo mhlangano.

Tikhulu 21:9

Batsi nasebabala bantfu, bakhandza kutsi bekute ngisho namunye lobuya kulaseJabeshi Gileyadi labekhona.

Tikhulu 5:23

“Ingilosi yaSimakadze yatsi: ‘Calekisa Merozi. Calekisa bantfu bayo kabuhlungu, ngobe abazange bete kutawusita Simakadze, yebo, kutawusita Simakadze, nakalwa nalabanemandla.’

1 Samuweli 11:7

Watsatsa tinkhabi letimbili, watijuba ticucu, watfumela ngetigijimi licatsa ngalinye kulo lonkhe laka-Israyeli, timemetela titsi: “Nguloku-ke lokutakwentiwa etinkhabini tayo yonkhe indvodza lengalandzeli boSawula naSamuweli.” Kwesabeka kwaSimakaze kwehlela kubo bonkhe bantfu, bagucuka bonkhe baba njengemuntfu munye.

1 Samuweli 15:3

Hamba manje uyewuhlasela ema-Amaleki, ubhubhise yonkhe intfo yawo. Ungawashiyi aphila: bulala emadvodza, nebafati, nebantfwana, netinswane, netinkhomo, netimvu, nemakamela kanye netimbongolo.’ ”