Tikhulu 20:18 - Siswati 1996 Bible

¹⁸ Baka-Israyeli bakhuphukela eBetheli, bayawubuta kuNkulunkulu, batsi: “Ngubani kitsi lotawuphuma kucala kuyawulwa nebakaBhenjamini?” Simakadze wabaphendvula watsi: “BakaJuda labatawuphuma kucala.”

Tikhulu 20:18 Iomraidhean Croise

Joweli 1:14

Memetelani kuzila lokungcwele, nimemetele umhlangano longcwele, butsani baholi kanye nabo bonkhe labahlala kulelive, nibabitele endlini yaSimakadze Nkulunkulu wenu, nikhale kuSimakadze.

Numeri 27:21

Utakuma embikwa-Eleyazare, umphristi, lotamtsatsela tincumo latitfole nge-Urimu kuSimakadze. Ngekukhuluma kwakhe yena nesive sonkhe sema-Israyeli bayawuphuma baphindze bangene njengekuyala kwakhe.”

Numeri 27:5

Ngako Mosi wayitsatsa lendzaba yawo wayimikisa kuSimakadze.

Joshuwa 18:1

Sonkhe sive sema-Israyeli sahlangana ndzawonye eShilo semisa lithende lekuhlangana khona lapho. Ema-Israyeli abesalincobile lonkhe live,

Joshuwa 9:14

Emadvodza aka-Israyeli ayihlola lemiphako yawo, kodvwa akazange abute lutfo kuSimakadze.

Tikhulu 18:31

Bachubeka kusebentisa lesithico lesasentiwe nguMikha ngaso sonkhe leso sikhatsi indlu yaNkulunkulu iseseShilo.

Tikhulu 19:18

Lendvodza yaliphendvula yatsi: “Ngekwetfu siyendlula, silichamukisa lena eBhetlehema kulakaJuda, silibhekise khashane kulela letintsaba laka-Efrayimu, lapho ngakhe khona. Bengilena eBhetlehema kulakaJuda, manje sengiya ekhaya kami. Kute namunye longitsetse wangingenisa endlini yakhe.

Tikhulu 20:17

Baka-Israyeli sebabonkhe, ngaphandle kwebakaBhenjamini, babutsa emabutfo lati-400 000, tingwazi todvwana.

Tikhulu 20:19

Ngakusasa ekuseni, baka-Israyeli bavuka bayawumisa babhekana neGibeya.

Tikhulu 20:23

Baka-Israyeli bakhuphuka bayawukhala embikwaSimakadze laze layawushona, solomane babuta kuSimakadze, batsi: “Siphindze yini sikhuphuke siyekulwa nabomnaketfu bakaBhenjamini?” Simakadze wabaphendvula watsi: “Khuphukani niyekulwa nabo.”

Tikhulu 20:7

Manje-ke nonkhe ningema-Israyeli; khulumani nikhiphe sigwebo senu ngalesento.”

1 Samuweli 10:3

“Utawusuka-ke lapho uchubeke uhambe, uze ufike esihlahleni lesikhulu sem-okhi saseThabori. Utawuhlangana nemadvodza lamatsatfu lapho, akhuphukela kuNkulunkulu eBetheli. Lenye itabe iphetse emazinyane lamatsatfu etimbuti, lena lenye iphetse imikhama yetinkhwa letintsatfu, lenye iphetse sikhumbasikhwama lesigcwele liwayini.