Tikhulu 2:14 - Siswati 1996 Bible

¹⁴ Intfukutselo yaSimakadze yabavutsela baka-Israyeli, wabanikela etandleni tebaphangi, tabaphanga. Wabanikela etandleni tetitsa tabo letatibatungeletile, bangabe basakwati ngisho nekutivikela kuto.

Tikhulu 2:14 Iomraidhean Croise

2 Samuweli 24:1

Lulaka lwaSimakadze lwasivutsela sive sema-Israyeli, wachukuluta Davide kutsi abavukele, watsi: “Hamba uyewubala bonkhe baka-Israyeli nebakaJuda.”

2 Samuweli 7:11

njengobe benta seloku ngacala kubeka baholi etikwesive ami, ema-Israyeli. Ngitakupha nekuphumula kuto tonkhe titsa takho. “ ‘ “Simakadze ukhipha livi kuwe lekutsi Simakadze yena matfupha utakwakhela wena indlu.

2 Emakhosi 13:3

Ngako-ke lulaka lwaSimakadze lwavutsa etikwesive saka-Israyeli. Kwaba sikhatsi lesidze, solomane Simakadze abayekelele ngaphansi kwesandla saHazayeli, inkhosi yemaSiriya, kanye nesaBheni Hadadi, umsa wakhe.

2 Emakhosi 17:20

Ngako-ke Simakadze wase uyatala tonkhe tive tema-Israyeli, watihlupha, watinikela etandleni tebatfumbi bato, waze waticosha ebukhoneni bakhe.

2 Tikhronike 15:5

Ngalawo malanga bekuyingoti kuhambahamba, ngobe tonkhe takhamiti talamave tatinebuyaluyalu lobukhulu.

2 Tikhronike 28:5

Ngako-ke Simakadze Nkulunkulu wakhe wamnikela esandleni senkhosi yaseSiriya. EmaSiriya amehlula, atfumba bantfu bakhe labanyenti, baba titfunjwa, eta nabo eDamaseko. Waphindze waniketwa etandleni tenkhosi yaka-Israyeli, leyamehlula kabuhlungu, kwafa bantfu labanyenti.

2 Tikhronike 36:16

Kodvwa baphukuta letitfunywa taNkulunkulu, bawedzelela emavi akhe, babahhalatisa nalabaphrofethi, lwadzimate lulaka lwaNkulunkulu lwavukela bantfu bakhe, futsi kwabate nalobasindzisako.

Nehemiya 9:27

Ngako wabanikela etandleni tetitsa tabo letabacindzetela. Kodvwa batsi nase bacindzetelekile, bakhala kuwe. Watsi usezulwini lakho wabeva, ngesihawu sakho lesikhulu wabatfumelela bakhululi lababalamulela babasindzisa esandleni setitsa tabo.

Tihlabelelo 44:11

Usente saba njengetimvu tekuhlatjwa, wasisakatela etiveni tonkhe.

Tihlabelelo 44:12

Sive sakho usitsengise ngelinani lelincane, wangete walizuza linani lelikhulu.

Isaya 42:24

Ngubani lowanikela Jakobe kutsi abe yimphango, wanikela Israyeli kubaphangi? Kwakungesiye yini Simakadze lesone kuye? Ngobe abazange bahambe ngetindlela takhe, abazange bawulalele umtsetfo wakhe.

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Jeremiya 37:10

Ngisho nome benitayeyisa yonkhe imphi yebaseBhabhulona lenihlaselako, kusale kuphela nje tinkhubela temadvodza lapha emathendeni awo, betitawuphuma titelishisa lelidolobha.”

Levithikusi 26:17

Buso bami buyawumelana nani, bese nehlulwa titsa tenu, tona leto letinitondzako tiyawunibusa, nani nibaleke, ngisho nome seningasacoshwa ngumuntfu.

Levithikusi 26:28

ngiyawunigucukela ngentfukutselo yami ngimelane nani, sijeziso ngisente sibe buhlungu ngekusiphindza kasikhombisa.

Levithikusi 26:37

Bayawugilana bawe, lomunye etikwalomunye, kube shangatsi babalekela imphi, nome kungekho lobacoshako. Ngako-ke aniyikuba nawo emandla ekuma embikwetitsa tenu.

Numeri 32:13

Intfukutselo yaSimakadze yavutsela sive sema-Israyeli, wasenta sazulazula ehlane iminyaka lengema-40, saze safa saphela sonkhe leso situkulwane lesasente lokubi embikwaSimakadze.

Numeri 32:14

“Nani-ke, ntalelwane yetoni, nime kuleyo ndzawo yaboyihlo, nentela kutsi Simakadze asitfukutselele kakhulu kunakucala sive sema-Israyeli.

Dutheronomi 28:20

“Simakadze uyakwehlisela ticalekiso etikwakho, nekudzidzeka, nekusoleka kuko konkhe loyawubeka sandla sakho etikwakho, uze ubhubhe uphele masinyane ngenca yebubi lobentile ngekutsi umshiye.

Dutheronomi 28:25

“Simakadze uyakunenta nehlulwe titsa tenu. Niyakuta kuto nitetihlasela ngendlela yinye, kodvwa niyawubaleka seninhlanhlatsela niphume ngetindlela letisikhombisa; niyawuba yintfo yekwesatjiswa emkhatsini wayo yonkhe imibuso emhlabeni.

Dutheronomi 28:58

“Naningawalandzeli ngekunakekela onkhe emavi alomtsetfo labhalwe kulencwadzi, ningalihloniphi nalelibito lenkhatimulo lebabatekako, lelitsi: Simakadze Nkulunkulu wenu,

Dutheronomi 32:30

Kodvwa indvodza yinye ingawacosha kanjani emadvodza layinkhulungwane, nome-ke lamabili acoshe emadvodza latinkhulungwane letilishumi, ngaphandle kwekutsi Lidvwala labo libatsengisile, ngaphandle kwekutsi Simakadze ubanikele kubo?

Joshuwa 23:16

Nanisephula lesivumelwane saSimakadze Nkulunkulu wenu, laniyale ngaso, nahamba nakhonta labanye bonkulunkulu, nakhotsama embikwabo, intfukutselo yaSimakadze itanivutsela, nibhubhe ngekushesha kulelive lelihle laniphe lona.”

Tikhulu 1:19

Simakadze abenayo imphi yakaJuda. Yadla live letintsaba, kodvwa noko abakhonanga kucosha bantfu bakhona kulawo matsafa, ngobe bantfu bakhona babenetincola tetinsimbi.

Tikhulu 1:34

Ema-Amori wona acindzetela sive sakaDani kutsi sihlale eveni letintsaba, akazange asivumele kutsi sehlele ematsafeni;

Tikhulu 10:7

ngako Simakadze wabatfukutselela. Wabaniketela etandleni temaFilisti netema-Amoni,

Tikhulu 2:20

Ngako Simakadze wasitfukutselela kakhulu sive sema-Israyeli, watsi: “Njengobe lesive sisephulile sivumelwane lengasibekela boyisemkhulu, futsi asikangilaleli,

Tikhulu 3:12

Aphindza futsi ema-Israyeli enta lokubi emehlweni aSimakadze; kwatsi ngobe bente lokubi, Simakadze wanika Egloni, inkhosi yakaMowabi, emandla ekubusa ema-Israyeli.

Tikhulu 4:2

Ngako Simakadze wawanikela kuJabini, inkhosi yaseKhenani, labebusa eHasori. Indvuna yemphi yakhe kwakunguSisera, labehlala eHaroshethi Hagoyimu.