Tikhulu 16:4 - Siswati 1996 Bible

⁴ Kwatsi ngalesinye sikhatsi waganwa yintfombi yesigodzi saseSoreki, libito layo kutsiwa nguDelila.

Tikhulu 16:4 Iomraidhean Croise

1 Emakhosi 11:1

Solomoni, inkhosi, watsandzana nebafati labanyenti betive, ngaphandle kwalendvodzakati yaFaro; abesanemakhosikati labengemaMowabi, nalabengema-Amoni, nalabengema-Edomu, nalabengemaSidoni kanye nalabengemaHethi.

Nehemiya 13:26

Akoniswanga nguko yini loku Solomoni, inkhosi yaka-Israyeli, ngekutsatsa bafati ngalendlela lefanana nalena? Kuto tonkhe tive kwakute inkhosi leyayifanana naye. Abetsandvwe nguNkulunkulu wakhe, kangangobe Nkulunkulu wadzimate wamenta inkhosi etikwaso sonkhe sive sema-Israyeli, kodvwa noko wadvonseleka esonweni ngenca yekutsatsa bafati betive.

Taga 22:14

Emavi engwadla afanana nemgodzi lojulile; labo labangaphansi kwelulaka lwaSimakadze bagcumkela kuwo.

Taga 23:27

Tingwadla tingumgodzi lojulile, nemfati losiphingi ulugibe lolubulalako.

Taga 26:11

Silima lesenta intfo lembi kuze kube kabili sifanana nenja yona lebuyela iyekudla emahlante ayo.

Taga 27:22

Nome silima ungasigaya etjeni lekusila sibe yimphuphu nome inhlama, kodvwa bulima baso ungeke ubukhiphe kuso.

1 kubaseKorinthe 10:6

Konkhe loko kusibonelo kitsi, kuze kutsi singakufisi lokubi, njengaloko bona bebakufisa.

Tikhulu 16:3

Kodvwa Samsoni walala kalengwadla kwaze kwaba ngusekhatsi nebusuku. Wase uyavuka wabamba tivalo telisango lalelidolobha, wakubhanca naletinsika letimbili, wakusiphula, tinsika nemshudvo nako konkhe. Wakuphakamisa wakubeka emahlombe, wakwetfwala waya nako etulu entsabeni leyayibukene neHebroni.

Tikhulu 16:5

Baholi bemaFilisti baya kuyo, bafike batsi: “Buka la, nawungamwunga aze asikhombise imfihlakalo yalamandla akhe lamakhulu, nekutsi singamncoba njani kuze simkhunge, simbambe ngulowo nalowo wetfu angakunika isiliva lengemakhilogremu langaba li-13, amunye.”