Tihlabelelo 97:11 - Siswati 1996 Bible

¹¹ Kukhanya kuhlanyelelwa labalungile, nekujabula kuhlanyelelwa labanetinhlitiyo letinhle.

Tihlabelelo 97:11 Iomraidhean Croise

Esta 8:16

KumaJuda lelo kwaba lilanga nesikhatsi sekutsakasa, nekutfokota, nekujabula, nekudvumisa.

Jobe 11:17

kuphila kutawukhanya kwendlule imini, bese kutsi bumnyama bufanane nekukhanya kwasekuseni.

Jobe 22:28

Konkhe loncuma kutsi ukwente kuyawukwenteka, nekukhanya kukhanye etindleleni takho.

Tihlabelelo 112:4

Labacotfo batfola kukhanya ebumnyameni. Simakadze unemusa, nesihe, nekulunga.

Tihlabelelo 18:28

Nguwe lowokhela sibane sami, Simakadze, Nkulunkulu wami; ugucula bumnyama bami abente bube kukhanya.

Tihlabelelo 68:4

Hlabelani kuNkulunkulu, nidvumise libito lakhe. Nimlungiselele umgwaco, yena lodzabula ematsafa elugwadvule; nguSimakadze libito lakhe, nihlabele ngenjabulo embikwakhe!

Taga 4:18

Kodvwa indlela yalabalungile ifanana nekukhanya kwentsatsakusa, lokuya ngekuya kuze kube ngusemini.

Isaya 58:8

Ngulapho-ke kukhanya kwakho kuyawugcama njengekukhanya kwekusa, nekuphiliswa kwakho kuyawuvela masinyane, kulunga kwakho-ke kuyawube sekukuhambela embili. Bukhosi baSimakadze buyawuba sivikelo sakho lesingemuva kwakho.

Isaya 62:1

Ngenca yeSiyoni nje, ngingeke ngibindze, ngenca yeJerusalema ngingete ngathula, kuze kulunga kwayo kukhanye njengekusa, nensindziso yayo ibe njengesidlwane lesivutsako.

Mikha 7:9

Sonile kuSimakadze, ngako nyalo kufanele kutfukutsela kwakhe sikubeketelele kwesikhashana. Kodvwa ekugcineni uyawusivikela, acondzise loko lokubi lokwentiwe kitsi. Uyawusiletsa asifake ekukhanyeni; yebo, siyawuphila, simbone asisindzisa.

Johane 12:46

Ngite ngikukhanya emhlabeni, kuze kutsi wonkhe lokholwa ngimi angahlali ebumnyameni.

KubaseGalathiya 6:8

Ngobe lowo lohlanyela enyameni yakhe, uyawuvuna kubola kuyo; kodvwa lohlanyela kuMoya waNkulunkulu, uyawuvuna kuphila lokuphakadze kulowo Moya.

Sembulo 21:23

Lelo khaya alilidzingi lilanga nenyanga, kutsi kulikhanyisele, ngobe inkhatimulo yaNkulunkulu iyalikhanyisela, nesibane salo liWundlu.

Sembulo 22:5

Kuyawubate busuku, tingeke tikudzinge nekukhanya kwesibane nome kwelilanga, ngobe iNkhosi Nkulunkulu iyakutikhanyisela, tiyawubusa phakadze naphakadze.