Tihlabelelo 94:23 - Siswati 1996 Bible

²³ Uyawukwehlisela tono tabo etikwabo, ababhubhise ngenca yebubi babo; Simakadze, Nkulunkulu wetfu, uyawubabhubhisa.

Tihlabelelo 94:23 Iomraidhean Croise

2 Emakhosi 19:7

Lalelani! Ngitawufaka kuye umoya lotamenta kutsi atsi nakeva umbiko lotsite, ancandzeke abuyele eveni lakhe, ngulapho-ke ngiyawumenta afele khona ngenkemba.’ ”

Esta 7:10

Ngako Hamani walengiswa kuleso sigodvo bekasigawulele kulengisa Modekhayi. Kutfukutsela kwenkhosi kwabotja.

Esta 9:25

Kodvwa Esta waya enkhosini, inkhosi yakhipha umtsetfo lowawubhalwe phansi, lekwatsi umphumela wawo Hamani nemadvodzana akhe wavuna labekuhlanyelele emaJuda, yena nemadvodzana akhe balengiswa entsanjeni benekelwa live.

Tihlabelelo 109:20

Shangatsi Simakadze angangiphindziselela etitseni tami, kulabo labakhuluma kabi ngami.

Tihlabelelo 12:3

Shangatsi Simakadze angatihhumbula letindzebe letitigabatisa kakhulu, ajube lulwimi loluncemphetako.

Tihlabelelo 55:23

Wena Simakadze nguwe loyawubajikijela phansi, emgodzini wekufa. Bantfu bengati nenkhohliso bangeke baphile, ngisho nencenye yemphilo yabo. Kodvwa mine ngiyakwetsembela kuwe.

Tihlabelelo 64:8

Lulwimi lwabo luyawubabhubhisa, bonkhe labababonako bayawunikina tinhloko.

Tihlabelelo 7:16

Kuganga kwakhe kubuyela enhloko yakhe, buhlophoyi bakhe behlele ebuntini lakhe.

Taga 1:31

Ngako-ke batawutfola titselo tetindlela tabo, bacunjiswe ngemacebo abo.

Taga 14:32

Umuntfu lomubi ucitfwa kutiphatsa kabi kwakhe; kodvwa lolungile uyasindza ngekuhlonipheka kwakhe.

Taga 2:22

Kodvwa lababi bayawususwa eveni, nalabanemacebo bayawusishulwa kulo.

Taga 5:22

Imisebenti yemuntfu lomubi ilugibe, ubanjwa elugibeni lwesono sakhe.

Taga 5:23

Uyakufa ngenca yekungatibambi kwakhe; bulima bakhe lobukhulu buyamedukisa.

Jeremiya 36:31

Ngiyawumjezisa yena kanye nebantfwana bakhe, kanye netinceku takhe letimsingatsile ngenca yebubi babo; ngiyakwehlisela etikwabo kanye nakubo bonkhe labakhile eJerusalema nakubantfu bakaJuda tonkhe tigameko lengitikhulumile ngemelana nabo, ngobe abakangilaleli.’ ”

Hezekeli 18:24

“Kodvwa nangabe lolungile agucuka ekulungeni kwakhe ente sono, ente tintfo letifananako netalomubi letisinengiso, utsi kambe lonjalo angaphila? Cha, kute nakunye kwetintfo letinhle latentile lokuyawukhunjulwa. Ngenca yekungetsembeki lasanelicala lako, nangenca yetono layawube asatentile, uyawukufa.

Danyela 7:24

Letimphondvo letilishumi ngemakhosi lalishumi layawuvela kulombuso. Emvakwawo kuyawuvela lenye inkhosi leyakwehluka kulawa lamanye akucala; iyawutfobisa emakhosi lamatsatfu.

Danyela 9:26

Emvakwetikhatsi letingema-62, Logcotjiwe uyawuncanyulwa, akayiwuba nalutfo. Bantfu bembusi lomunye loyawufika, bayawulibhubhisa lelidolobha kanye nelithempeli. Siphetfo siyawufika njengesihhuhhula semvula. Kuyawuchubeka kulwa kuze kube ngusekugcineni, kuyawube kwehle incitsakalo.

Tikhulu 9:57

Nkulunkulu wawajezisa nalamadvodza aseShekhemu ngalobo bubi bawo. Sicalekiso lesakhulunywa nguJothamu, umsa waJerubhali, sagcina sibehlele.