Tihlabelelo 89:27 - Siswati 1996 Bible

²⁷ Ngiyawumenta abe litubulo, abe yinkhosi lephakeme kunemakhosi emhlaba.

Tihlabelelo 89:27 Iomraidhean Croise

2 Samuweli 22:47

“Simakadze uyaphila! Alidvunyiswe lidvwala lami! Akaphakanyiswe Nkulunkulu, Lidvwala lami, neMsindzisi wami!

2 Samuweli 7:14

Mine ngiyawuba nguyise wakhe, yena abe yindvodzana yami. Nakenta lokubi, ngiyakumjezisa ngeluswati lwemadvodza, nangemivimba leyentiwa boyise kubantfwana.

2 Tikhronike 1:12

ngako-ke utawunikwa lokuhlakanipha nekucondza. Ngetulu kwaloko ngitakunika nemcebo, nebunjinga, nekuhlonishwa, lokungazange sekube nenkhosi leyake yaba nako ngembili kwakho, futsi kute leyawubuye ibe nako emvakwakho.”

Tihlabelelo 2:7

Angimemetele umyalo lowashiwo nguSimakadze kimi, nakatsi: “Wena uyindvodzana yami, lamuhla ngikutele.

Tihlabelelo 71:3

Bani lidvwala lesiphephelo kimi, lengingaphephela kulo nome nini, wena lowayala kutsi ngisindziswe, ngobe nguwe lidvwala lami nesiphephelo sami.

Tihlabelelo 72:11

Shangatsi onkhe emakhosi angakhotsama kuyo, netive tonkhe tiyikhonte.

Eksodusi 4:22

Ubokhuluma kuFaro utsi: ‘Simakadze utsi: Israyeli litubulo lami.

Isaya 49:7

Naku lokushiwo nguSimakadze, uMhlengi, naLongcwele waka-Israyeli, kuye lowake wedzelelwa wenyanywa sive, kuyo inceku yebabusi, utsi: “Emakhosi ayawukubona asukume, tikhulu tiyawukubona tikhotsame, ngenca yaSimakadze lowetsembekile, Longcwele waka-Israyeli, lokukhetsile.”

Numeri 24:7

emanti atawugeleta asuka etimbiteni takhe, nenhlanyelo yakhe itfole emanti lamanyenti. “Inkhosi yabo iyawuba yinkhulu kuna-Agagi, nembuso wabo uyawuphakanyiswa.

KubaseRoma 8:29

Ngobe labo labatinchanti Nkulunkulu wabakhetsanchanti kutsi babe nesimo seNdvodzana yakhe kuze yona itewuba litubulo kubazalwane labanyenti.

Dutheronomi 32:15

“Jeshuruni wazimuka wakhahlela; wesutsa kudla, wesuleka, watamasa. Wamfulatsela Nkulunkulu lowamenta, walala Lidvwala lelinguMsindzisi wakhe.

KubaseKholose 1:15

INdvodzana ingumfanekiso waNkulunkulu longabonwa ngemehlo enyama, futsi ngiyo yematubulo ayo yonkhe indalo.

KubaseKholose 1:18

Yona iyinhloko yemtimba wayo, libandla; ngiyo lesicalo, nelitubulo kulabafile, kuze kutsi kuko konkhe ibe yekucala.

Sembulo 19:16

Engutjeni yakhe nasetsangeni lakhe kubhalwe libito lelitsi: “INkhosi yemakhosi, uMbusi webabusi.”

Sembulo 21:24

Tive tiyawuhamba ekukhanyeni kwalo, nemakhosi emhlaba ayakwetfula kulo emagugu ebukhosi bawo.