Tihlabelelo 76:5 - Siswati 1996 Bible

⁵ Emachawe latatisako asaphangwe imphango yawo, adzimate efikelwa butfongo alala siphelane; onkhe ehlulekile kusebentisa tandla tawo.

Tihlabelelo 76:5 Iomraidhean Croise

Tihlabelelo 13:3

Bheka ngakimi, ungiphendvule, Simakadze, Nkulunkulu wami. Yenta emehlo ami akhanye, ngingaze ngifikelwe butfongo bekufa.

Isaya 31:8

“Ema-Asiriya ayawubhujiswa ngenkemba, inkemba lengesiyo yendvodza, inkemba lengesiyo yebantfu lababhubhako, itawagwinya. Ayakuyibalekela lenkemba, nemajaha awo ayawusetjentiswa kamatima.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 46:12

Lalelani kimi, nine bonhlitiyo letinenkhani, nine lenikhashane nekulunga.

Jeremiya 51:39

Kodvwa bayawutsi nase bavutsa, ngibentele lidzili labo, ngibadzakise, kuze batewumemeta ngenjabulo, bese balala kokuphela bangaphindzi bavuke,” kusho Simakadze.

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Nahume 3:18

Awu, mbusi wase-Asiriya, belusi bakho bayetela, kantsi netakhamiti takho letihloniphekile setilele kokuphela. Bantfu bakho basakateke bagcwala tintsaba, kute nalongahle abagcogce babuye ekhaya.