Tihlabelelo 76:11 - Siswati 1996 Bible

¹¹ Yentani tetsembiso netifungo tenu kuSimakadze longuNkulunkulu wenu, nitigcwalise. Bonkhe labasedvute naye abaletse tipho kulowo lofanele kwesatjwa.

Tihlabelelo 76:11 Iomraidhean Croise

Genesisi 31:42

Kube Nkulunkulu wababe, naNkulunkulu wa-Abrahama, lokwesaba kwa-Isaka, abengekho ngakimi, ngineliciniso kutsi ngabe ungicoshile ngahamba mahhala ngite lutfo. Kodvwa Nkulunkulu ukubonile kuhlupheka kwami nemsebenti wetandla tami, wase uyakwekhuta kulobusuku bayitolo.”

Tihlabelelo 119:106

Ngifungile ngafungisisa kutsi ngiyawuyilalela imitsetfo yakho yekulunga.

Tihlabelelo 50:14

Nikela kuNkulunkulu umnikelo wekubonga, ugcine tetsembiso takho kuLosetikwako Konkhe.

Tihlabelelo 68:29

ngesikhatsi usethempelini lakho, eJerusalema, emakhosi atakuletsela tipho takho khona.

Tihlabelelo 89:7

UnguNkulunkulu lowesatjwa emikhandlwini yalabangcwele. Umkhulu, futsi wesabeka ngetulu kwabo bonkhe labakuhacile.

Numeri 30:2

Nangabe umuntfu enta sincumo kuSimakadze nome ente sifungo sekutibopha ngesetsembiso, kufanele angawephuli emavi akhe, kodvwa ente konkhe lakukhulumile.

Dutheronomi 16:16

“Onkhe emadvodza esive sakini kufanele ete katsatfu ngemnyaka atetibonakalisa kuSimakadze Nkulunkulu wenu kuleyo ndzawo Simakadze latayikhetsa: eMkhosini Wesinkhwa Lesingenambiliso, naseMkhosini Wemaviki, naseMkhosini Wemadlangala. Kufanele kubete indvodza leyawuta itetibonakalisa kuSimakadze ingakaphatsi lutfo.