Tihlabelelo 50:14 - Siswati 1996 Bible

¹⁴ Nikela kuNkulunkulu umnikelo wekubonga, ugcine tetsembiso takho kuLosetikwako Konkhe.

Tihlabelelo 50:14 Iomraidhean Croise

Jobe 22:27

Uyawuthandaza kuye, naye akuve, bese ugcwalisa tetsembiso takho.

Tihlabelelo 147:1

Haleluya, dvumisani Simakadze! Maye, kuhle kuhlabela kuNkulunkulu wetfu. Kumnandzi, futsi kufanele kutsi advunyiswe!

Tihlabelelo 22:25

Ungivusela lusinga lwekudvumisa emkhatsini welibandla lelikhulu. Tifungo tami ngiyawutifeza tigcwaliseke embikwabo bonkhe labakwesabako.

Tihlabelelo 22:26

Labatitfobako bayawudla besutse, labafuna Simakadze bayawumdvumisa, bahalaliselwe kutsiwe: “Shangatsi ningaphila phakadze naphakadze!”

Tihlabelelo 27:6

Titsa tami letingitungeletile ngiyawutimela ngenhla, nginikele imihlatjelo ngekudvumisa endlini yakhe. Tibongo teNkhosi ngiyawutihlabela ngenjabulo.

Tihlabelelo 50:23

Lowo lonikela umnikelo wekubonga, uyangidvumisa. Utiphendlela indlela, kutsi ngimkhombise insindziso yaNkulunkulu.”

Tihlabelelo 56:12

Hhawu, Nkulunkulu, ngibopheleke kuwe ngetetsembiso tami. Ngiyawunikela kuwe iminikelo yekubonga.

Tihlabelelo 61:8

Ngako libito lakho ngiyawulidvumisa kuze kube phakadze, kuze ngigcwalise tetsembiso tami imihla ngemihla.

Tihlabelelo 65:1

Yebo Nkulunkulu, lukufanele ludvumo eSiyoni, tetsembiso tetfu kufanele tigcwaliseke kuwe.

Tihlabelelo 69:32

Labatfobekile bayawubona bajabule, nine lenifuna Nkulunkulu tinhlitiyo tenu ativuseleleke.

Tihlabelelo 76:11

Yentani tetsembiso netifungo tenu kuSimakadze longuNkulunkulu wenu, nitigcwalise. Bonkhe labasedvute naye abaletse tipho kulowo lofanele kwesatjwa.

Tihlabelelo 76:12

Nguye lotfobisa tikhulu, uyesabeka emakhosini emhlaba.

Hoseya 14:2

Tsatsani emavi nibuyele nawo kuSimakadze. Thandazani kuye, nitsi: “Sitsetselele tonkhe tono tetfu, usemukele ngemusa, khona sitewunikela ngetitselo temilomo yetfu.

Nahume 1:15

Bukani lapha etikwetintsaba, tinyawo talowo loniletsela tindzaba letimnandzi, lowo lomemetela kuthula. Gubhani imikhosi yenu, nine maJuda, nigcwalise tifungo tenu. Sekute lababi labayakunihlasela. Bayawubhubha bonkhe baphele.

Nahume 2:1

Nasi sitsa sikuhlasela, Nineve! Lindzani tinqaba, nicaphele imigwaco; tilungiseleleni. Bambanani ngemandla enu!

KubaseRoma 12:1

Ngako-ke, bazalwane, njengobe Nkulunkulu ube nesihawu lesikhulu kangaka kitsi, ngiyanincenga ngitsi nikelani imitimba yenu ibe ngumnikelo lophilako, nalongcwele, nalowemukeleka kuNkulunkulu; leyo-ke nguyona nkonzo yenu sibili.

Dutheronomi 23:21

“Nawenta setsembiso kuSimakadze Nkulunkulu wakho, ungephutisi kutsi usifeze, ngobe Simakadze Nkulunkulu wakho uyakusibita kuwe kutsi usikhiphe, bese uba nelicala lesono.

Dutheronomi 23:22

Kodvwa nawutibamba ekwenteni setsembiso, ungeke ube nelicala.

Dutheronomi 23:23

Konkhe loke wakuphumisela ngemlomo wakho bani neliciniso kutsi uyakwenta, ngobe wente setsembiso sakho ngekukhululeka kuSimakadze Nkulunkulu wakho, wasenta ngewakho umlomo.

Dutheronomi 23:24

“Nawungena esivinini samakhelwane wakho, ungawadla onkhe emagelebisi lowafunako, kodvwa ungafaki ngisho nalinye ebhasikidini lakho.

1 kubaseThesalonika 5:18

Bongani kuko konkhe, ngobe loko kuyintsandvo yaNkulunkulu kuKhristu Jesu ngani.

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.