Tihlabelelo 25:7 - Siswati 1996 Bible

⁷ Ungatikhumbuli tono tami, netiphambuko tebusha bami, kodvwa ngikhumbule ngekwemusa wakho, Simakadze, ngikhumbule ngekulunga kwakho.

Tihlabelelo 25:7 Iomraidhean Croise

Jobe 13:26

Ungibeka emacala lamatima, ungetfwese emacala etono lengatenta ngisemusha.

Jobe 20:11

Emandla ebusha lagcwele ematsanjeni akhe ayawulala kanye naye elutfulini.

Tihlabelelo 106:3

Babusisiwe labo labahamba ngebucotfo bente kulunga ngato tonkhe tikhatsi.

Tihlabelelo 106:4

Awu, Simakadze, ngikhumbule nawusentela umusa sive sakho, nami ungisindzise kanye naso,

Tihlabelelo 109:14

Shangatsi Simakadze angakhumbula bubi baboyise, nesono senina singete sesulwa.

Tihlabelelo 109:16

“Ngobe lomuntfu akazange akhumbule kwenta umusa, kodvwa labamphofu, nalabandzindzako, nalabanetinhlitiyo letidzabukile wabahlupha kwaze kwabasekufeni kwabo.

Tihlabelelo 109:26

Ngisite, Simakadze, Nkulunkulu wami, ngisindzise ngelutsandvo lwakho lwaphakadze.

Tihlabelelo 119:124

Phatsa inceku yakho ngemusa wakho, ungifundzise timiso takho.

Tihlabelelo 31:16

Inceku yakho ayibuve bukhona bakho, ngisindzise ngemusa wakho longapheli.

Tihlabelelo 51:1

Ngihawukele, Nkulunkulu, ngekwemusa wakho; yesula tiphambuko tami ngekwesihawu sakho lesikhulu.

Tihlabelelo 6:4

Buya, Simakadze, ungephule ekufeni, khulula umphefumulo wami, ngobe umusa wakho awupheli.

Tihlabelelo 79:8

Ungasibeki licala ngebubi babokhokho betfu, sheshisa usihlangabete ngesihawu sakho, ngobe sesidzangele kakhulu.

Isaya 38:17

Empeleni wentele kusita mine lokutsi ngive tinhlungu letinje. Elutsandvweni lwakho wangisindzisa emgodzini wembhubhiso, utsatse tonkhe tono tami watilahla emvakwakho.

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Isaya 48:11

Ngenca yami, nangekwami ngiyakwenta loku. Ngingeke ngivume kutsi Libito lami lihlazeke. Ngingeke nginike lomunye inkhatimulo yami.”

Isaya 64:9

Awu Simakadze, ungatfukutseli kwekwengca, ungatikhumbuli tono tetfu phakadze naphakadze. Awu, siyakuncusa, sibuke, ngobe sonkhe sibantfu bakho.

Jeremiya 3:25

Asilale phansi ngenca yelihlazo letfu, sidliwe ngemahloni. Sonile kuSimakadze Nkulunkulu wetfu, yebo, tsine kanye nabobabe betfu; kusukela ebusheni betfu kuze kube ngulamuhla, asikamlaleli Simakadze Nkulunkulu wetfu.”

Jeremiya 31:34

Sekuyawubate umuntfu loyawufundzisa makhelwane wakhe, nome indvodza ifundzise umnakabo, itsi: ‘Yati Simakadze,’ ngobe bonkhe sebayawungati kusukela kulomncane kuye kulomkhulu,” kusho Simakadze. “Ngobe ngiyawubatsetselela bubi babo, tono tabo ngingasaphindzi ngitikhumbule.”

Johane 5:14

Ngemvakwaloko, Jesu wahlangana nayo seyisethempelini watsi kuyo: “Uyabona kambe kutsi sewuphilile? Ungaphindzi-ke wone, funa wehlelwe ngulokukhulu kakhulu kunaloku.”

Johane 5:5

Bekunendvodza lapho leyase igule iminyaka lengema-38.

KumaHebheru 8:12

Ngobe ngiyawuba nemusa ekoneni kwabo, ngingeke ngiphindze ngitikhumbule tono tabo.”