Tihlabelelo 25:10 - Siswati 1996 Bible

¹⁰ Tonkhe tindlela taSimakadze tibubele neliciniso kulabo labagcina sivumelwane sakhe kanye nemiyalo yakhe.

Tihlabelelo 25:10 Iomraidhean Croise

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

Genesisi 24:27

yatsi: “Akabongwe Simakadze, Nkulunkulu wenkhosi yami Abrahama, longakayekeli kukhombisa umusa wakhe nekwetsembeka kwakhe enkhosini yami Abrahama. Mine-ke Simakadze ungihole endleleni, waze wangingenisa endlini yetihlobo tenkhosi yami.”

Genesisi 5:24

Enoki abehamba naNkulunkulu, wase uyanyamalala ngobe Nkulunkulu abesamtsatsile.

2 Samuweli 15:20

Ufike itolo loku. Lamuhla sengitakwenta uzulazule natsi, kantsi angati nalapho ngiya khona. Ncandzeka uhambe nesive sakho. Shangatsi umusa nekwetsembeka kungaba nawe.”

Tihlabelelo 138:7

Nome sengitungeletwe tinhlupheko, wena, Simakadze, uyayiphephisa imphilo yami, ungivikele elulakeni lwetitsa tami, unginyomule ngesandla sakho sekudla.

Tihlabelelo 33:4

Ngobe livi laSimakadze licondzile, konkhe lakwentako kwetsembekile.

Tihlabelelo 40:11

Hhawu, Simakadze, ungangigodleli sihawu sakho; shangatsi umusa wakho, neliciniso lakho, nekwetsembeka kwakho kungangigcina njalonjalo.

Tihlabelelo 50:23

Lowo lonikela umnikelo wekubonga, uyangidvumisa. Utiphendlela indlela, kutsi ngimkhombise insindziso yaNkulunkulu.”

Tihlabelelo 57:3

Uyawutfumela asezulwini, angisindzise, ahlazise labo labangigcobagcobako. Cabanga. Nkulunkulu uyawubonakalisa umusa wakhe nekwetsembeka kwakhe.

Tihlabelelo 85:10

bese kuhlangabetana umusa neliciniso, kwangane kulunga nekuthula.

Tihlabelelo 89:14

Kulunga nebucotfo tisekelo tesihlalo sakho sebukhosi, umusa nekwetsembeka kungemavulandlela lahamba embikwakho.

Tihlabelelo 91:14

Nkulunkulu yena utsi: “Njengobe naku ubambelele kimi ngelutsandvo, ngitamephula ngimbeke endzaweni lephakeme, ngimvikele ngobe alati libito lami.

Tihlabelelo 98:3

Uwukhumbulile umusa wakhe nekwetsembeka kwakhe kubaka-Israyeli. Imikhawulo yonkhe yemhlaba iyibonile insindziso yaNkulunkulu.

Isaya 25:1

Awu, Simakadze, wena unguNkulunkulu wami, ngiyakukuphakamisa, ngilidvumise Libito lakho, ngobe ngekwetsembeka kwakho lokuphelele wente tintfo letimangalisako, tintfo letahlelwa endvulo.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Zefaniya 2:3

Funani Simakadze, nonkhe nine lenitfobekile belive, nine lenenta loko latsi kwenteni. Funani kulunga, nifune kutfobeka, mhlawumbe ningahle nivikeleke ngelilanga lentfukutselo yaSimakadze.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Imisebenti yebaPhostoli 10:35

kodvwa lowo lomesabako ente lokulungile uyemukeleka kuye, nome angewasiphi sive.

KubaseRoma 2:13

Ngobe akusibo labawuvako umtsetfo labalungile kuNkulunkulu, kepha ngulabo labawentako umtsetfo labayakwemukelwa nguNkulunkulu ngekutsi balungile.

KubaseRoma 8:28

Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.

KumaHebheru 12:14

Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.

YaJakobe 5:11

Khumbulani phela kutsi ngulabo labaciniselako lesitsi babusisiwe. Nake neva ngekukhutsatela kwaJobe, niyati-ke nekutsi iNkhosi yaletsa siphetfo sini kuye; ngobe iNkhosi inebubele nesihawu lesikhulu.