Tihlabelelo 18:2 - Siswati 1996 Bible

² Simakadze, ulidvwala lami, nenqaba yami, neMkhululi wami. Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca.

Tihlabelelo 18:2 Iomraidhean Croise

2 Samuweli 22:3

Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca. Usiphephelo sami neMsindzisi wami. Etigebengwini, wena uyangisindzisa.

Tihlabelelo 116:1

Ngiyamtsandza Simakadze, ngobe ulivile livi lami nekuncusa kwami.

Tihlabelelo 132:17

Ngiyawuvusa lomunye wetitukulwane taDavide, ngimente abe yinkhosi lenkhulu. Umgcotjwa wami ngimlungiselele sibane, kutsi bukhosi bakhe bukhanye njalo.

Tihlabelelo 144:2

UnguNkulunkulu wami lowetsembekile nenqaba yami lengibalekela kuyo, usiphephelo sami nemkhululi wami, usihlangu sami lengiphephela kuso. Wenta tive tikhotsame kimi.

Tihlabelelo 19:14

Emavi emlomo wami netizindlo tenhlitiyo yami atemukeleke kuwe, Simakadze, Dvwala lami, neMkhululi wami.

Tihlabelelo 28:1

Ngikhala kuwe, Simakadze, Dvwala lami. Ungabi sihhulu kimi, ngobe nangabe ungangiphendvuli, ngitawufana nalabaya ethuneni.

Tihlabelelo 59:11

Ungababulali, funa sive sami sikhohlwe; basakate ngemandla akho, ubalahle phansi, Simakadze, sihlangu setfu.

Tihlabelelo 62:2

Nguye yedvwa lolidvwala lami, nensindziso yami, nenqaba yami, ngingeke ngishukunyiswe.

Tihlabelelo 62:7

Insindziso yami neludvumo lwami kusetandleni taNkulunkulu. Nkulunkulu usiphephelo sami nelidvwala lami lelicinile.

Tihlabelelo 75:10

Nkulunkulu utsi: “Ngiyawubehlisa bonkhe lababi, ngiphakamise bonkhe labalungile.”

Tihlabelelo 91:2

Angasho kuSimakadze atsi: “Wena usiphephelo sami nenqaba yami, unguNkulunkulu wami lengetsembele kuye.”

Tihlabelelo 91:4

Uyawukusibekela ngetimphiko takhe, uphephele ngaphansi kwemaphiko akhe, kwetsembeka kwakhe kulihawu lekukuvikela.

Eksodusi 15:2

Simakadze uyingoma yami, nemandla ami, yena sewuyinsindziso yami. Nguye longuNkulunkulu wami, ngiyawudvumisa yena. Yena unguNkulunkulu wabobabemkhulu, ngiyawudvumisa bukhulu bakhe.

Taga 18:10

Libito laSimakadze liyinqaba lecinile, lapho kungabalekela khona bantfu labalungile basindze.

Taga 2:7

Labacotfo ubabekele kuhlakanipha; ulihawu kulabo labatiphatsa ngekwetsembeka.

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

KumaHebheru 2:13

Uphindze atsi: “Ngiyawubeka litsemba lami kuNkulunkulu;” aphindze atsi: “Ngilapha mine, nebantfwana Nkulunkulu langiphe bona.”