Tihlabelelo 145:10 - Siswati 1996 Bible

¹⁰ Yonkhe indalo netidalwa takho tiyawubonga tidvumise wena, Simakadze, nalabangcwele bonkhe bakudvumise.

Tihlabelelo 145:10 Iomraidhean Croise

Tihlabelelo 103:22

Bongani Simakadze, nonkhe nine misebenti yakhe, kuto tonkhe tindzawo embusweni wakhe. Mphefumulo wami, dvumisa Simakadze.

Tihlabelelo 104:24

Awu, Simakadze! Maye, minyenti imisebenti yakho! Yonkhe uyente ngekuhlakanipha; umhlaba ugcwele tidalwa takho.

Tihlabelelo 149:5

Labangcwele abahlabele ngebukhosi, bahlabele ngenjabulo bonkhe busuku.

Tihlabelelo 19:1

Emazulu ababata bukhosi baNkulunkulu, nemkhatsi wembula likhono lakhe.

Tihlabelelo 22:23

“Nine lenesaba Simakadze, mdvumiseni! Nani nonkhe madvodzana aJakobe, mtuseni! Nonkhe nine ntalo ya-Israyeli, mhlonipheni!

Tihlabelelo 30:4

Nine labangcwele bakhe, hlabelani nidvumise Simakadze, nibonge libito lakhe lelingcwele.

Tihlabelelo 30:5

Ngobe kutfukutsela kwakhe kuba kwesikhashana, kodvwa umusa wakhe uhlala ukhona njalo umuntfu asaphila. Tinyembeti tingaba khona ebusuku, kodvwa ngakusasa ekuseni kube kujabula.

Tihlabelelo 32:11

Jabulani kuSimakadze, netsabe, nine lenilungile. Nijabule nonkhe nine lenicotfo ngenhlitiyo.

Tihlabelelo 57:9

Ngiyawukubonga emkhatsini wetive, Simakadze, ngikudvumise emkhatsini wetive.

Tihlabelelo 68:26

“Bongani Nkulunkulu emikhambatsini nidvumise Simakadze, nine beluhlanga lwaka-Israyeli.”

Tihlabelelo 69:35

Ngobe Nkulunkulu uyawuyisindzisa iSiyoni, akhe kabusha emadolobha akaJuda, bayawuhlala kuleyo ndzawo ibe yabo.

Tihlabelelo 97:12

Tfokotani nijabule nine lenilungile, bongani libito lakhe lelingcwele.

Isaya 44:23

Hlabelani ngekujabula, nine mazulu, ngobe loku kwentiwe nguSimakadze; memetani kakhulu, nine tindzawo temhlaba letijulile. Hlokomani ngengoma, nine tintsaba, nine mahlatsi, nato tonkhe tihlahla tenu. ngobe Simakadze sewuhlenge Jakobe, ubonakalisa bukhosi bakhe ka-Israyeli.

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.