Tihlabelelo 141:3 - Siswati 1996 Bible

³ Simakadze, beka umlindzi emlonyeni wami; ungeluse, ngingakhulumi lutfo ngemawala.

Tihlabelelo 141:3 Iomraidhean Croise

Tihlabelelo 34:13

Lowo-ke akagcine lulwimi lwakhe ebubini, netindzebe takhe tingakhulumi emanga.

Tihlabelelo 39:1

Ngacabanga ngatsi: “Ngiyawunakekela tindlela tami, kuze ngingoni ngelulwimi lwami, umlomo wami ngiyakuwufaka sifonyo, yingci nangisesembikwalomubi.”

Tihlabelelo 39:2

Ngaba simungulu, ngabindza, ngangete ngasho lutfo nangalokuhle. Tinhlungu tadlanga.

Tihlabelelo 71:8

Umlomo wami uyawugcwala kukubonga, ngimemetele bukhosi bakho imihla ngemihla.

Mikha 7:5

Ungamkholwa makhelwane wakho, nome-ke ungametsembi umnganakho. Uwabale emavi akho lowakhulumako, ngisho nakumkakho lomtsandzako imbala.

YaJakobe 1:26

Umuntfu locabanga kutsi uyakholwa, abe angalubophi lulwimi lwakhe, uyatikhohlisa enhlitiyweni yakhe, nekukholwa kwalowo muntfu kulite.

YaJakobe 3:2

Ngobe sonkhe siphosisa ngetindlela letinyenti; nakukhona longaphosisi ngekukhuluma, lowo uphelele ngempela, ngobe uyakwati kubamba ngisho nemtimba wakhe wonkhe shangatsi ngematomu.