Tihlabelelo 125:2 - Siswati 1996 Bible

² Njengobe tintsaba tihace iJerusalema, kanjalo Simakadze uhace sive sakhe, kusukela manje kuze kube phakadze.

Tihlabelelo 125:2 Iomraidhean Croise

2 Emakhosi 6:17

Elisha wathandaza, watsi: “Awu, Simakadze, vula emehlo akhe kuze abone.” Nembala, Simakadze wavula emehlo alenceku ya-Elisha, yatsi iyabuka, yabona tindimbane temabutfo, nemahhashi, netincola temphi tivutsa umlilo ticancele intsaba, kutungeleta Elisha.

Tihlabelelo 121:8

Simakadze uyawulondvolota kuphuma kwakho nekungena kwakho, kusukela manje kuze kube phakadze.

Tihlabelelo 34:7

Ingilosi yaSimakadze yakha umtsangala lotungeleta labo labamesabako, ibakhulule, iphindze ibavikele.

Isaya 4:5

Ngako Simakadze uyawudala lifu emini, intfutfu nelilangabi lemlilo ebusuku, lisibekele iNtsaba yonkhe iSiyoni nabo bonkhe labahlanganela kuyo; etikwayo yonkhe lenkhatimulo kuyawuba nempheme.

Sililo 4:12

Kute emakhosi emhlaba, ngisho nasinye sive lesisemhlabeni, lesake sakukholwa kutsi titsa nalabaphambene nayo bangangena emasangweni aseJerusalema.

Zakhariya 2:5

Mine matfupha ngiyawuba lubondza lwemlilo loluyitungeleta luyivikele, ngibe yinkhatimulo yayo ngekhatsi kwayo,’ kusho Simakadze.”

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’