Tihlabelelo 119:73 - Siswati 1996 Bible

⁷³ Tandla takho tangidala tangibumba; ngiphe ingcondvo yekufundza imiyalo yakho.

Tihlabelelo 119:73 Iomraidhean Croise

1 Tikhronike 22:12

Shangatsi Simakadze angakupha kuhlakanipha kwebudvodza nekucondza kahle tintfo, nase akubeke kutsi ube ngumcondzisi wema-Israyeli, khona utekwati kugcina kahle imitsetfo yaSimakadze Nkulunkulu wakho.

2 Tikhronike 2:12

Akabongwe Simakadze, Nkulunkulu wema-Israyeli, uMdali welizulu nemhlaba. Uphe inkhosi Davide indvodzana lehlakaniphile, legcwele emasu ekuhlakanipha nekucondza, nyalo seyitilungiselela kwakha lithempeli laSimakadze, itakhele nesigodlo sayo.

Jobe 31:15

Akusiye yini yena lowo lowabumba mine esiswini lona lowabumba tona? Akusiye yini lowaseluka sonkhe etiswini tabomake?

Jobe 32:8

Kodvwa umoya lokumuntfu, kuphefumula kwaSomandla, lokunika umuntfu kucondza.

Tihlabelelo 100:3

Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

Tihlabelelo 111:10

Kwesaba Nkulunkulu sicalo sekuhlakanipha. Bonkhe labahamba ngemitsetfo yakhe banengcondvo lenhle. Umelwe kudvunyiswa phakadze naphakadze.

Tihlabelelo 119:125

Mine ngiyinceku yakho, ngiphe ingcondvo yekwati timfundziso takho.

Tihlabelelo 119:144

Timiso takho tiliciniso phakadze naphakadze; ngifundzise tona ngitewuphila ngato.

Tihlabelelo 119:169

Kukhala kwami akufike kuwe, Simakadze, ngiphe kucondza njengekwelivi lakho.

Tihlabelelo 119:34

Ngiphe ingcondvo yekwati umtsetfo wakho, kuze ngiwugcine kahle, ngiwulalele ngenhlitiyo yami yonkhe.

Tihlabelelo 138:8

Simakadze uyawusifeza kimi setsembiso sakhe; umusa waSimakadze ume kuze kube phakadze. Cedzela lomsebenti wakho lowawusungula, ungawukhohlwa umsebenti wetandla takho.

Tihlabelelo 95:6

Wotani, sikhuleke, simkhotsamele, asiguce embikwaSimakadze, uMenti wetfu.

2 kuThimothi 2:7

Cabangisisa loku lengikushoko, ngobe iNkhosi itakupha kucondzisisa konkhe.

YaJakobe 3:18

Bantfu labaletsa kuthula, basuke bahlanyela kuthula, bese bavuna kulunga.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.