Tihlabelelo 119:37 - Siswati 1996 Bible

³⁷ Fulatselisa emehlo ami ekubukeni tintfo letingenamsebenti; ngiphe kuphila ngekwelivi lakho.

Tihlabelelo 119:37 Iomraidhean Croise

2 Samuweli 11:2

Kwatsi ngalelinye lilanga kusihlwa Davide wavuka embhedzeni wakhe, wahambahamba etulu endlini yakhe yebukhosi. Watsi aselapho, wabona umfati ageza. Lomfati abemuhle, acedzile.

Jobe 31:1

“Ngenta sivumelwane nemehlo ami kutsi ngingeke ngiyibuke ngenkhanuko intfombi.

Tihlabelelo 119:25

Ngilahleke phansi elutfulini. Vuselela kuphila kwami njengekwelivi lakho.

Tihlabelelo 119:40

Maye, ngiyatilangatelela timiso takho! Hlumelelisa kuphila kwami ngekulunga kwakho.

Tihlabelelo 71:20

Nguwe lowentile kutsi ngibone tinsizi letinyenti naletibuhlungu, wangihlumelelisa futsi; wabuye wangimonyula ekujuleni kwemhlaba, wangikhiphela ngetulu kwawo.

Taga 23:5

Bunjinga buyawunyamalala emehlweni akho ububuka; buyawushesha bundize njengelusweti.

Taga 4:25

Emehlo akho akacondze ngco embili, ubukisise embikwakho.

Isaya 33:15

Ngulowo lohamba ngekulunga, akhulume lokungiko, lowo lowala inzuzo yekucindzetela, logodla sandla sakhe singayemukeli imidizo, avale tindlebe takhe kulababopha luzungu, avale emehlo akhe ekubukeni lokubi.

Numeri 15:39

Niyawutsi nanitibuka letimvakaza, bese nikhumbula yonkhe imiyalo yaSimakadze, niyilalele, khona ningetiwuba tingwadla ngekudvonswa tinkhanuko tetinhlitiyo tenu netemehlo enu.

Matewu 5:28

Kepha mine ngitsi kini: Ngulowo nalowo lobuka lomsikati, bese uyamkhanuka, sewuphinge naye enhlitiyweni yakhe.

Joshuwa 7:21

Ngatsi nangibuka imphango, ngabona ingubo lenhle yaseBhabhulona, kanye netinhlavu tesiliva letingemakhilogremu langaba mabili, nelucetu lwegolide lolungaba yincenye yekhilogremu, lengakuhawukela, ngase ngiyakutsatsa. Tonkhe letintfo ngitimbele phansi ngekhatsi ethendeni lami, lesiliva yona ingaphansi kwato.”

1 yaJohane 2:16

Ngobe konkhe lokuseveni, kuyinkhanuko yenyama, nenkhanuko yemehlo, nekutigabatisa lokulite ngetintfo takulomhlaba. Konkhe loku akuveli kuBabe, kodvwa kwelive.