Tihlabelelo 119:18 - Siswati 1996 Bible

¹⁸ Vula emehlo ami, kuze ngibone timangaliso letisemtsetfweni wakho.

Tihlabelelo 119:18 Iomraidhean Croise

Tihlabelelo 119:96

Ngifundze kutsi: Yonkhe intfo, nome iyinhle kanganani, inemkhawulo; kodvwa imiyalo yakho ite umkhawulo.

Isaya 29:18

Ngalelo langa tihhulu tiyakuva emavi alencwadzi legocotwako; ekhatsi ebumnyameni kahlongasibi emehlo etimphumphutse ayawubona.

Isaya 32:3

Emehlo alabo lababonako angeke asavaleka, netindlebe talabo labevako setiyawulalela.

Isaya 35:5

Emehlo etimphumphutse ayawuvuleka, netindlebe tetihhulu tiyawuva.

Hoseya 8:12

Ngababhalela tintfo letinyenti temtsetfo wami, kodvwa loko bakutsatsa njengentfo lengesiyo yabo.

Matewu 13:13

Kungako nje ngikhuluma kubo ngemifanekiso, ngobe nome babuka ababoni, nome beva abevisisi, abacondzi.

Matewu 16:17

Jesu waphendvula watsi kuye: “Ubusisiwe wena Simoni waJohane, ngobe loko awukakwembulelwa ngumuntfu kepha nguBabe losezulwini.

Matewu 20:33

Tatsi kuye: “Nkhosi, sifuna kutsi emehlo etfu avuleke.”

Johane 9:39

Jesu watsi: “Mine ngitele kwehlulela kulelive, kuze labangaboni babone, nalababonako babe timphumphutse.”

Imisebenti yebaPhostoli 26:18

Utawuvula emehlo abo, kuze besuke ebumnyameni bagucukele ekukhanyeni besuke nasemandleni aSathane baye kuNkulunkulu, kuze batsetselelwe tono tabo babelwe nendzawo emkhatsini walabahlantwe ngekukholwa kimi.’ ”

KumaHebheru 10:1

Umtsetfo usitfunti setintfo letinhle letatitawufika; ute simo lekungiso sibili saletintfo. Ngemihlatjelo yawo, lenikelwa iminyaka ngeminyaka, lomtsetfo ungeke ubente baphelele labo labakhontako.

KumaHebheru 8:5

Bona bakhontela kuloko lokungumfanekiso nesitfunti saloko lokunguko sibili kwasezulwini, ngobe ngesikhatsi Mosi asatakwakha lithende lekuhlangana, Nkulunkulu wamyala watsi: “Ucaphele kutsi konkhe ukwente ngaleyo ndlela lowakhonjiswa yona entsabeni.”

Sembulo 3:18

Ngako-ke ngiyakuyala kutsi utsenge kimi igolide lelolongwe ngemlilo, khona utewuceba, utsenge tingubo letimhlophe tekwembatsa, khona utewufihla bungcunu bakho kutsi bungabonakali, utsenge nemutsi wekugcobisa emehlo akho kutsi ubone.