Tihlabelelo 119:159 - Siswati 1996 Bible

¹⁵⁹ Nawe, Simakadze, uyatibonela kutsi timiso takho ngititsandza kanganani. Londvolota kuphila kwami ngemusa wakho.

Tihlabelelo 119:159 Iomraidhean Croise

2 Emakhosi 20:3

“Awu, Simakadze, khumbula kutsi bengihamba ngekwetsembeka lokunjani embikwakho, nekutsi bengitinikele kangakanani embikwakho, ngayo yonkhe inhlitiyo yami, ngenta lokuhle emehlweni akho.” Hezekiya wakhala kabuhlungu.

Nehemiya 13:22

Ngase ngitjela emaLevi kutsi akatihlambulule ahambe ayewuciza emasango, kuze agcine liSabatha lingcwele. Nangenca yaloko ngikhumbule, Nkulunkulu wami, ungihawukele njengekwelutsandvo lwakho lolukhulu.

Nehemiya 5:19

Awu, Nkulunkulu wami, ngikhumbule ube nesihawu kimi ngako konkhe lengikwentele lesive.

Tihlabelelo 119:153

Buka kuhlupheka kwami ungikhulule, ngobe angikawukhohlwa umtsetfo wakho.

Tihlabelelo 119:47

Ngiyatfokota ngemiyalo yakho, ngobe ngiyayitsandza.

Tihlabelelo 119:97

Maye, ngiyawutsandza umtsetfo wakho! Ngizindla ngawo imini yonkhe.