Tihlabelelo 119:109 - Siswati 1996 Bible

¹⁰⁹ Imphilo yami isengotini njalo, noko angiwukhohlwa umtsetfo wakho.

Tihlabelelo 119:109 Iomraidhean Croise

Jobe 13:14

Ngitifakelani engotini ngekutsatsa imphilo yami ngiyiphatse ngesandla?

Tihlabelelo 119:117

Ngisekele, kuze ngisindziswe, ngiyawubheka timiso takho njalonjalo.

Tihlabelelo 119:152

Timiso takho ngatifundza kadzeni, watimisa ingunaphakadze.

Tihlabelelo 119:16

Ngiyawutfokota ngetimiso takho; ngingeke ngilikhohlwe livi lakho.

Tihlabelelo 119:83

Kambe mine ngisewani nje? Sengifanana neludzengelo lolusetaleni, noko imiyalo yakho angikayikhohlwa.

KubaseRoma 8:36

Kubhaliwe kutsi: “Ngenca yakho sibasengotini yekufa lonkhe lilanga; sitsatfwa njengetimvu tekuhlatjwa.”

1 kubaseKorinthe 15:31

Bazalwane, ngekubongwa lenginako ngani kuKhristu Jesu iNkhosi yetfu ngiyacinisa kutsi: Ngifa mihla yonkhe le!

2 kubaseKorinthe 11:23

Batisebenti taKhristu yini? Mine ngingulesincono. Loku sengikukhuluma njengeluhlanya. Ngasebenta kakhulu kunabo, ngidvonsa matima, ngaboshwa kanyenti, ngashaywa kanyenti, ngabasengotini yekufa.

Tikhulu 12:3

Ngatsi kube ngibone kutsi ningeke ningisite, ngatidzela ematsambo ngewela ngayakulwa nema-Amoni. Simakadze wawanikela esandleni sami, ngawancoba. Manje-ke seniteleni lamuhla kutengilwisa ngaloko?”

1 Samuweli 19:5

Watsatsa kuphila kwakhe wakuphatsa ngesandla sakhe, nakabulala lomFilisti. Simakadze waba nekuncoba lokukhulu ancobela sive sema-Israyeli, nawe futsi wakubona loko wajabula. Pho, ufunelani kubulala Davide ngaphandle kwesono?”

1 Samuweli 20:3

Kodvwa Davide wenta sifungo, watsi: “Uyihlo uyati kutsi wena ungitsandza kanganani, waze watsi: ‘Jonathani akufanele akwati loku, ngobe angaphatseka kabi.’ Noko ngifunga ngekuphila kwaSimakadze nangekwakho kutsi sinye sinyatselo kuphela lesisemkhatsini wami nekufa.”