Tihlabelelo 111:9 - Siswati 1996 Bible

⁹ Sive sakhe wasitfumelela kuhlengwa, wemisa sivumelwane sakhe kuze kube phakadze. Lingcwele liyesabeka libito lakhe.

Tihlabelelo 111:9 Iomraidhean Croise

2 Samuweli 23:5

“Indlu yami ayikalungi yini kuNkulunkulu? Akenti nami yini sivumelwane saphakadze naphakadze, lesihlelwe kahle savikeleka macala onkhana? Akayikuphumelelisa yini kusindziswa kwami, anginike konkhe lengikufisako?

1 Tikhronike 16:15

Uyasikhumbula sivumelwane sakhe phakadze naphakadze, livi layala ngalo uyalikhumbula titukulwane ngetitukulwane.

Tihlabelelo 111:5

Ubapha kudla labo labamesabako, sivumelwane sakhe uyasikhumbula phakadze naphakadze.

Tihlabelelo 89:7

UnguNkulunkulu lowesatjwa emikhandlwini yalabangcwele. Umkhulu, futsi wesabeka ngetulu kwabo bonkhe labakuhacile.

Tihlabelelo 99:3

Atidvumise tibabate libito lakho, ngobe lona likhulu, futsi liyesabeka, yena ungcwele.

Tihlabelelo 99:5

Phakamisani Simakadze, Nkulunkulu wetfu, nikhuleke kuso senabelo setinyawo takhe, yena ungcwele.

Tihlabelelo 99:9

Phakamisani Simakadze, Nkulunkulu wetfu, mkhotsameni nimkhonte kulentsaba yakhe lengcwele. Simakadze, Nkulunkulu wetfu, ungcwele!

Eksodusi 15:11

“Ngubani lonjengawe, Simakadze, emkhatsini wabo bonkhe bonkulunkulu? Ngubani lofanana nawe ngebungcwele bakho lobumangalisako? Ngubani lonebukhosi lobesabekako ente imimangaliso nemisebenti yemandla njengawe?

Eksodusi 15:13

“Sive sakho losisindzisile uyawusihola ngemusa; yebo, uyawusicondzisa ngemandla akho, usimikise endzaweni yakho lengcwele.

Isaya 44:6

“Naku-ke lokushiwo nguSimakadze, iNkhosi neMkhululi wema-Israyeli, Simakadze longuSomandla, utsi: Mine ngiwekucala newekugcina; ngaphandle kwami kute Nkulunkulu.

Isaya 55:3

Bekani indlebe, nite kimi; vanini, kuze imiphefumulo yenu itewuphila. Ngitakwenta sivumelwane saphakadze nani, nginiphe tibusiso lengatetsembisa Davide.

Isaya 6:3

Abememetana odvwana, ngulelo nalelo litsi: “Ungcwele, ungcwele, ungcwele, Simakadze longuSomandla! Umhlaba wonkhe ugcwele bukhosi bakhe.”

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Malakhi 2:2

Naningalaleli, futsi naningatimiseli ngenhlitiyo yenu kutsi nihloniphe Libito lami, ngitanitfumelela sicalekiso, netibusiso tenu ngiticalekise. Yebo, vele sengiticalekisile, ngobe anikatimiseli enhlitiyweni yenu kutsi ningihloniphe,” kusho Simakadze longuSomandla.

Matewu 1:21

Mariya utakutala indvodzana uyetse libito utsi nguJesu, ngobe nguye loyakusindzisa bantfu bakhe etonweni tabo.”

Lukha 1:49

ngobe Somandla ungentele tintfo letinkhulu. Libito lakhe lingcwele.

Lukha 1:68

“Ayidvunyiswe iNkhosi, Nkulunkulu wema-Israyeli, ngobe ibahambele bantfu bayo, yabakhulula.

Kubase-Efesu 1:14

Yena usibambiso selifa leliyawuba letfu ngesikhatsi Nkulunkulu ahlenga lokukwakhe, kube ludvumo lwebukhosi bakhe.

Kubase-Efesu 1:7

Ngengati yaJesu sinekuhlengwa nekutsetselelwa kwetono, ngekwengcebo yemusa,

Dutheronomi 15:15

Khumbula kutsi nawe wake waba sigcili eGibhithe, Simakadze Nkulunkulu wakho wakuhlenga. Nguko nje ngikunika lomyalo lamuhla.

Dutheronomi 28:58

“Naningawalandzeli ngekunakekela onkhe emavi alomtsetfo labhalwe kulencwadzi, ningalihloniphi nalelibito lenkhatimulo lebabatekako, lelitsi: Simakadze Nkulunkulu wenu,

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

KumaHebheru 13:20

Shangatsi Nkulunkulu wekuthula lowavusa iNkhosi yetfu Jesu kulabafile, wamenta uMelusi Lomkhulu wetimvu ngengati yakhe yesivumelwane saphakadze,

KumaHebheru 9:12

Wangena kanye kwenela endzaweni lengcwelengcwele, angakaphatsi ingati yetimbuti neyematfole, kodvwa aphetse ingati yakhe lucobo, kungako nje asizuzela kuhlengwa kwaphakadze.

Sembulo 4:8

Tonkhe letidalwa letine tatinemaphiko lasitfupha sisinye, tinemehlo yonkhe indzawo, ngephandle nangekhatsi. Tatihlabelela imini nebusuku tingakhawuli titsi: “Ingcwele, ingcwele, ingcwele iNkhosi, Nkulunkulu, Somandla, labekhona, nalokhona, nalotako!”

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.