Tihlabelelo 111:4 - Siswati 1996 Bible

⁴ Wente timangaliso takhe kutsi tikhumbuleke. Simakadze unemusa nebubele.

Tihlabelelo 111:4 Iomraidhean Croise

2 Tikhronike 30:9

Nanibuyela kuSimakadze, labomnakenu nebantfwabenu batawutfola sihawu kulabatfumbi babo, bese babuya kulelive, ngobe Simakadze Nkulunkulu wenu unemusa nebubele. Angeke anifulatsele, nanibuyela kuye.”

Tihlabelelo 103:8

Simakadze unemusa nesihawu, uyephuta kutfukutsela, andze ngemusa.

Tihlabelelo 112:4

Labacotfo batfola kukhanya ebumnyameni. Simakadze unemusa, nesihe, nekulunga.

Tihlabelelo 145:8

Simakadze unemusa nesihawu, uyephuta kutfukutsela, andze ngemusa.

Tihlabelelo 78:38

Kodvwa yena waba nesihawu, watisibekela tono tabo, akazange ababhubhise abacedze. Kanyenti watibamba ekutfukutseleni kwakhe, akaluvusanga lonkhe lulaka lwakhe.

Tihlabelelo 86:15

Kodvwa wena, Simakadze, unguNkulunkulu lonesihawu, nebubele, nekubeketela, uphuphuma umusa nekwetsembeka.

Tihlabelelo 86:5

Ngobe wena, Nkhosi, ulungile futsi ulungele kutsetselela, umusa wakho uyabaphuphumela labo labakhala kuwe.

Isaya 63:7

Ngiyawukhuluma ngebukhulu bemusa waSimakadze, ngibonge tento takhe lekufanele advunyiselwe tona, ngidvumise konkhe loko Simakadze lasentele kona, yebo, tintfo letinyenti letinhle latentele indlu yaka-Israyeli, ngesihawu sakhe nangemusa wakhe lomkhulukati.

Dutheronomi 4:9

Caphelani-ke nilindze kahle imiphefumulo yenu, ningaze nikhohlwe nguletintfo lenitibone ngemehlo enu nome nitiyekele tiphunyuke enhlitiyweni yenu yingci nanisaphila. Niyakutifundzisa bantfwabenu nebantfwana bebantfwabenu.

1 kuThimothi 1:14

INkhosi yamane yangibabala ngemusa wayo yangipha kukholwa nelutsandvo lolukuKhristu Jesu.