Taga 6:17 - Siswati 1996 Bible

¹⁷ Ngemehlo latichenyako, nelulwimi lolucala emanga, nembulali walote licala,

Taga 6:17 Iomraidhean Croise

2 Emakhosi 21:16

Ngetulu kwaloko, Manase wacitsa kakhulu ingati yalabangenacala, kangangekutsi titaladi taseJerusalema tatigeleta ingati kusukela ekucaleni kuze kuyewuphuma ekugcineni. Loko wakwengetela ekwenteni sive sakaJuda kutsi sikhonte tithico, wasenta sona kuSimakadze.

2 Emakhosi 24:4

kanye nekucitsa kwakhe ingati leyayingenacala, ngobe phela iJerusalema yayigcwele ingati yebantfu lababengenacala. Simakadze abengakatimiseli kutsetselela Manase ngaloko.

Tihlabelelo 10:4

Lomubi uyatigabatisa, akanaki lutfo, emicabangweni yakhe yonkhe, utsi: “Kute Nkulunkulu.”

Tihlabelelo 101:5

Lowo lohleba makhelwane wakhe emasitseleni mine ngiyawumcitsa. Lowo lonemehlo lachoshile nenhlitiyo letigcabhako angihambisani naye.

Tihlabelelo 131:1

Simakadze, inhlitiyo yami ayitigabatisi, nemehlo ami akaphakanyiswa ngumgcabho. Angitilibatisi ngetintfo letibonakala titinkhulu kimi nome letisimangaliso kakhulu kimi.

Tihlabelelo 18:27

Wena, losindzisa labatfobekile, uyabatfobisa labatigabatisako.

Tihlabelelo 31:18

Shangatsi imilomo lecala emanga ingabindziswa, ngobe ihlambalata lolungile, ikhulume ngekutigcabha nangekwedzelela.

Tihlabelelo 5:6

Uyababhubhisa labacala emanga. Simakadze uyamenyanya umbulali, futsi uyamenyanya lonemacebo.

Tihlabelelo 5:7

Kepha mine ngiyawungena endlini yakho ngekwengcebo yemusa wakho, ngikukhonte ngenhlonipho yekwesaba ethempelini lakho lelingcwele.

Taga 1:11

natitsi kuwe: “Kota, sambe sifune lesingahle simbulale; asihambe silalele labangenacala, sibajabhalate ngaphandle kwesono.

Taga 1:16

ngobe tinyawo tabo tigijimela lokubi, basheshe bacitse ingati.

Taga 12:22

Imilomo lecala emanga isinengiso kuSimakadze; kodvwa laba labetsembekile bayinjabulo kuye.

Taga 14:5

Fakazi lowetsembekile akawacali emanga; kodvwa fakazi longaketsembeki uphefumula emanga.

Taga 16:5

Umuntfu lotiphakamisako usinengiso kuSimakadze; nome kanjani uyawujeziswa.

Taga 17:7

Inkhulumo lenengcondvo ayikabhekeki kuphuma kumuntfu losihhema; kanjalo nemanga akabhekeki kuphuma emlonyeni wemuntfu lozitsile.

Taga 21:4

Kutigabatisa nekutiphakamisa sono, loku luphawu lwalababi.

Taga 26:28

Umuntfu localemanga uyabatondza labo labacalela emanga, nelulwimi lolumphacambili luletsa kufa.

Taga 28:17

Umuntfu nakanelicala lekubulala, myekele abaleke aze afe.

Taga 30:13

Labanye bayatigcabha, bahlala ngekuchukuluta labanye bantfu.

Taga 6:16

Tisitfupha tintfo letenyanywa nguSimakadze, empeleni letisikhombisa uphambene nato kakhulu:

Isaya 1:15

Naniphakamisa tandla tenu niteneka, nithandaza, ngiyakuwafihla emehlo ami kini; nome senenta imithandazo leminyenti kangakanani, ngingeke ngiyilalele. Tandla tenu tigcwele ingati;

Isaya 2:11

Emehlo ebantfu labatikhukhumetako ayawutfotjiswa, kutsi kutigcabha kwebantfu kwehliswe; Simakadze yena yedvwa uyawuphakanyiswa ngalelo langa.

Isaya 3:16

Simakadze utsi: “Bafati baseSiyoni bayatigcabha; bahamba belule tintsamo, bacwashacwashata ngemehlo abo, nabahambako, bashayela etulu, emacakaleni abo kukhehleta imihlobiso labayigabile.

Isaya 3:9

Kukhetsa kwabo buso ekwehluleleni kubufakazi lobumelene nabo; bashengetisa ngesono sabo njengeSodoma, abasifihli nakancane. Maye kubo! Batiletsele inhlekelele etikwabo.

Jeremiya 26:15

Noko kufanele nati nekwati, nikhumbule kutsi nangabe ningibulala, niyakwehlisela licala lengati lengenacala etikwenu, nasetikwalelidolobha, nasetikwalabo labahlala kulo, ngobe ecinisweni, nguSimakadze longitfume kini kutawukhuluma onkhe lamavi etindlebeni tenu niva.”

Johane 8:44

Nine nibeyihlo Sathane. Nitsandza kwenta tinkhanuko teyihlo. Yena abevele angumbulali webantfu kusukela ekucaleni, akemi ecinisweni, ngobe liciniso kute kuye. Nakakhuluma emanga, ukhuluma intfo yakhe, ngobe ungumcambimanga neyise wawo onkhe emanga.

Dutheronomi 19:10

Loko nibokwenta khona kutewutsi ingati lete licala ingetiwucitselwa lite eveni lenu, Simakadze Nkulunkulu wenu lanipha lona kutsi libe lifa lenu, kuze nani ningabi nacala lekucitsa ingati.

Dutheronomi 27:25

“ ‘Ucalekisiwe umuntfu lotsatsa umdizo, khona atewubulala umuntfu longenacala.’ “Bonkhe bantfu bayawuphendvula batsi: ‘Amen.’

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.