Taga 28:13 - Siswati 1996 Bible

¹³ Umuntfu lofihla tono takhe angeke aphumelele; kodvwa lotivumako atishiye uyawutfola umusa.

Taga 28:13 Iomraidhean Croise

Genesisi 4:9

Simakadze wabuta kuKhayini watsi: “Uphi umnakenu Abela?” Watsi: “Angimati. Ngingumlindzi wemnaketfu yini mine?”

2 Samuweli 12:13

Davide wakhuluma kuNathani, watsi: “Ngonile kuSimakadze.” Nathani waphendvula watsi: “Simakadze sewusisusile sono sakho. Ungeke usafa.

2 Samuweli 14:32

Absalomu waphendvula watsi: “Buka la, ngitfumele livi kuwe ngatsi: ‘Kota lapha, khona ngitekutfumela enkhosini kutsi uyewubuta utsi: “Ngibuyiselweni lena eGeshuri? Ngabe kuncono kimi kube ngisatihlalele lapho!” ’ Manje ngifuna kubonana nenkhosi; nangabe nginelicala lelitsite, ayivele ingibulale.”

2 Emakhosi 20:15

Lomphrofethi wabuta watsi: “Baboneni lapha esigodlweni sakho?” Hezekiya watsi: “Babone konkhe lapha esigodlweni sami. Kute nakunye engcebeni yami lengingakabakhombisi kona.”

2 Tikhronike 6:26

“Nangabe emazulu avalekile litulu lingani, ngobe sive sakho sonile kuwe, bese siyathandaza sibheke kulendzawo, silivume Libito lakho, siphendvuke esonweni saso, ngobe wena sewusishayile,

Ezra 10:11

Manje vumani tono tenu kuSimakadze, Nkulunkulu waboyihlo, nente intsandvo yakhe. Tehlukaniseni kuletive letinitungeletile nakulabafati betive.”

Ezra 10:2

Kwatsi Shekhaniya, umsa waJehiyeli, lomunye wetitukulwane ta-Elamu, wakhuluma ku-Ezra watsi: “Asiketsembeki kuNkulunkulu wetfu ngekutsi siteke bafati baletive letisitungeletile. Kodvwa nome kunjalo, lisekhona litsemba ka-Israyeli.

Nehemiya 9:2

Labo bebangema-Israyeli ekutalwa batehlukanisa kubo bonkhe betive. Bema ngetindzawo tabo, bavuma tono tabo nekonakala kwabokhokho babo.

Jobe 31:33

Ngake ngasifihla yini sono sami, njengobe kuhlale kwenta emadvodza, ngake ngalifihla yini licala lami enhlitiyweni yami?

Jobe 33:27

Uyabe sewuya kubantfu, afike atsi: ‘Ngonile, ngagwegwisa loko lobekulungile, kodvwa angikakutfoli loko lebengikufanele.

Jobe 34:31

“Ake ngitsi nje umuntfu utsi kuNkulunkulu: ‘Nginelicala, kodvwa ngingeke ngiphindze ngone.

Tihlabelelo 51:10

Hhawu, Nkulunkulu, dala kimi inhlitiyo lehlantekile, uvuselele kimi umoya wekulunga.

Taga 10:12

Inzondo ibanga kucabana; kodvwa lutsandvo lusibekela tonkhe tono.

Taga 17:9

Umuntfu lotsetselelako angaphindziseli uhlumelelisa lutsandvo; kodvwa lolibala kukhuluma ngaleyo ndzaba wehlukanisa ngisho bangani labetsembene.

Isaya 55:7

Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Jeremiya 2:35

wena utsi: ‘Angati lutfo; akangitfukutseleli.’ Kodvwa mine ngitakwehlulela, ngobe utsi: ‘Angikoni lutfo.’

Danyela 4:27

Ngako-ke, wena waphakathi, asemukeleke kuwe leseluleko sami: Yekela tono takho, wente lokulungile, uyekele nekukhohlakala kwakho, ngekutsi ube nemusa kulabo labacindzetelwe. Kungenteka kutsi kuchubeka kahle kwakho nekuphumelela kwakho kuchubekele embili.”

Levithikusi 5:5

“ ‘Nangabe umuntfu anelicala ngalokunye kwaloku lokubaliwe, kufanele avume lesono asho nekutsi usente kanjani.

Jona 3:10

Watsi kube Nkulunkulu abone loko labasebakwentile, kutsi batishiye tindlela tabo letimbi, watisola ngalokubi labeshito kutsi utabehlisela kona. Akazange abajezise.

Imisebenti yebaPhostoli 26:20

kodvwa ngashumayela kusukela khona eDamaseko, naseJerusalema, nakulo lonkhe laseJudiya nakubetive ngimemetela kutsi abaphendvuke babuyele kuNkulunkulu bente imisebenti lekhombisa kuphendvuka.

Tikhulu 10:15

Kodvwa baka-Israyeli bachubeka bakhala kuSimakadze, batsi: “Sonile! Yenta lokutsandzako ngatsi, kodvwa nje mane usephule kwanyalo.”

1 Samuweli 15:13

Watsi kube Samuweli amkhandze, Sawula watsi kuye: “Simakadze akakubusise! Ngiwufezile umyalo waSimakadze.”

1 Samuweli 15:24

Sawula wakhuluma kuSamuweli, watsi: “Ngonile. Ngiwephulile umyalo waSimakadze kanye nemiyalo yakho. Ngesabe bantfu, ngabe sengiyabayekela.

1 Samuweli 15:30

Sawula waphendvula watsi: “Ngonile. Kodvwa mane ungihloniphe embikwalabaholi besive sami nasembikwesive sema-Israyeli; ncandzeka nami, khona ngitewukhonta Simakadze Nkulunkulu wakho.”