Taga 20:30 - Siswati 1996 Bible

³⁰ Kushaywa kamatima kwenta umuntfu abuyekele bubi bakhe, nekubhanjabulwa kuphilisa lingekhatsi lakhe.

Taga 20:30 Iomraidhean Croise

Tihlabelelo 89:32

ngiyawube sengibafaka luswati, ngibajezise ngenca yekona kwabo, ngibanike imivimba ngenca yebubi babo.

Taga 19:25

Nawujezisa sidvwaladvwala, silima sifundza kuhlakanipha; nawutsetsisa umuntfu lohlakaniphile, yena utawuzuza lwati.

Taga 22:15

Bulima buboshelwe engcondvweni yemntfwana; kodvwa luswati luyabutsintsitsa bonkhe.

Taga 27:6

Umngani usuke atimisele lokuhle ngawe, nome akulimatile; kodvwa ubocaphela ingoti, nangabe sitsa sakho sikwanga kanyenti.

Isaya 27:9

Ngaloku-ke licala lakaJakobe liyawube selihlawulelwe, loku kuyawuba sitselo lesiphelele sekwesulwa kwesono sakhe: Ngesikhatsi enta onkhe emalati ematje, kutsi abe njengematje emcakaco, aphushuke abe timvutfu, kute nayinye insika ya-Ashera nome lilati lemphepho leliyawusala limile.

Isaya 53:5

Kodvwa yagwazwa ngenca yetiphambuko tetfu, yafihlitwa ngenca yekona kwetfu, sijeziso saba setikwayo, kuze tsine sibe nekuthula; ngemanceba emivimbo yayo siyaphiliswa tsine.

KumaHebheru 12:10

Phela bobabe babesiyala kwesikhashana ngekubona kwabo, kodvwa yena usiyalela kutsi kutewusitakala tsine, kuze sibe nesabelo ebungcweleni bakhe.

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”