Taga 19:29 - Siswati 1996 Bible

²⁹ Kujeziswa kwemiselwa baphukuti; nekubhanjabulwa kwemiselwa imihlane yetilima.

Taga 19:29 Iomraidhean Croise

2 Emakhosi 2:24

Wagucuka wababuka; wamemeta, abacalekisa ngelibito laSimakadze. Kwabe sekuchamuka emabhele lamabili aphuma ehlatsini, adladlabula lababengema-42 balabo bafana.

Tihlabelelo 1:1

Ubusisiwe umuntfu longatitsatsi teluleko tebedukisi longahlanganyeli emikhubeni yetigangi, longahlali nasemkhambatsini walabaphukuta Nkulunkulu.

Taga 1:22

“Nine leningati lutfo! Niyawuhlala ningati lutfo kuze kube ngunini? Baphukuti bayawuphukuta kuze kube ngunini? Tona tilima titawutondzana nelwati kuze kube ngunini?

Taga 1:26

nami-ke ngitanihleka nase nehlelwe tinhlupheko. Ngitanicoloshela nase nehlelwe sigemegeme,

Taga 10:13

Umuntfu lonengcondvo ukhuluma ngekuhlakanipha; kodvwa longenangcondvo udzinga kushaywa.

Taga 17:10

Umuntfu lohlakaniphile ufundza kancono ngekwekhutwa kanye; kantsi umuntfu losilima akafundzi lutfo nome asashaywe imivimba lelikhulu.

Taga 18:6

Emavi esilima abanga kucabana, naloko lakushoko kumbangela kutsi bantfu bamshaye.

Taga 26:3

Emahhashi ayatalajwa, timbongolo tifakwa ematomu, netilima tiyashaywa.

Taga 3:34

Uyabahleka labo labeyisako, kodvwa unemusa kulabatfobekile.

Taga 7:22

Wavele wayikha etulu, yamlandzela njengenkhabi itawuhlatjwa nanjengenyamatane ingena esihibeni,

Taga 9:12

Nawuhlakaniphile, kusitakala wena; kodvwa nangabe usedzeleli, kutawuhlupheka wena.

Isaya 28:22

Nyalo-ke yekelani lokuphukuta kwenu, nakungenjalo, tinketane tenu titakuba matima, iNkhosi Simakadze lenguSomandla ingitjelile ngembhubhiso leseyimiselwe live lonkhe.

Isaya 29:20

Labanelunya bayawunyamalala, baphukuti bayawuphela, bonkhe labaneliso lengulube bayawuncanyulwa,

Dutheronomi 25:2

Nangabe lona lonelicala kufanele ashaywe, umehluleli uyakumlalisa phansi ashaywe embikwakhe leyo mivimba layifanele,

KumaHebheru 12:6

ngobe iNkhosi iyabayala lebatsandzako, ibajezise labo labemukeleka kuyo njengemadvodzana”?