Taga 18:22 - Siswati 1996 Bible

²² Lowo lotfola umfati utfole intfo lenhle, uzuze umusa kuSimakadze.

Taga 18:22 Iomraidhean Croise

Genesisi 2:18

Nkulunkulu Simakadze watsi: “Akukuhle kutsi umuntfu ahlale yedvwana. Ngitamentela umsiti lolungele yena.”

Genesisi 24:67

Isaka watsatsa Rebheka wamfaka ethendeni lakabo lapho kwake kwahlala unina khona, watsatsa Rebheka wamenta umkakhe, Isaka wamtsandza umkakhe. Ngako-ke Isaka wadvudvuteka emuva kwebuhlungu bekufelwa ngunina.

Genesisi 29:28

Jakobe wenta njalo, walicedza leliviki lemshado. Labani wase umnika Rakheli, indvodzakati yakhe, kutsi abe ngumkakhe.

Taga 12:4

Umfati lolungile ungumchele wendvodza yakhe; kodvwa loyihlazisako ufanana nekubola ematsanjeni ayo.

Taga 19:14

Indlu nemcebo lifa lelitfolakala kubatali, kodvwa umfati lohlakaniphile utfolakala kuSimakadze.

Taga 3:4

Loko kuyawukwenta ube neludvumo loluhle utsandvwe nguNkulunkulu nebantfu.

Taga 8:35

Umuntfu lotfola mine utfola kuphila, utakwemukela kutsandvwa nguSimakadze;

Umshumayeli 9:9

Tijabulise ngekuphila nemfati wakho lomtsandzako, kuto tonkhe tinsuku letendlula ngekushesha, Nkulunkulu lakuphe tona lapha ngaphansi kwemtfunti welilanga. Ngobe phela loko sabelo sakho ekuphileni kwakho nasekukhandlekeni kwakho lapha ngaphansi kwemtfunti welilanga.

Hoseya 12:12

Jakobe wabalekela eveni lase-Aramu; Israyeli wasebentela kutfola umfati, ngekwelusa timvu.

1 kubaseKorinthe 7:2

Kodvwa-ke ngenca yebuphingi, akube nguleyo naleyo ndvodza ibe newayo umfati, nalowo mfati abe neyakhe indvodza.

Ruthe 4:10

Ngetulu kwaloko Ruthe, umMowabi, longumfelokati, labetekwe nguMahaloni, naye sengumkami. Loko kutawusita ekugcineni lifa netimphahla temndeni wemufi; umndeni wakhe uyawuchubeka esiveni sakhe, nasedolobheni lakubo. Nine-ke nibofakazi baloko kulelilanga lalamuhla.”