Taga 14:14 - Siswati 1996 Bible

¹⁴ Umuntfu lojikajikako utfola loko lokufanelwe similo sakhe; nemuntfu lolungile naye wemukela umvuzo wemisebenti yakhe.

Taga 14:14 Iomraidhean Croise

Tihlabelelo 109:17

Abetsandza kucalekisa. Shangatsi leticalekiso tingehlela etikwakhe; akazange asitsandze sibusiso, shangatsi sibusiso singakhwesha kuye.

Taga 12:14

Lomunye utfola inzuzo ngekukhuluma kwakhe; kantsi lomunye uyitfola ngekusebentisa tandla takhe.

Taga 12:21

Labalungile bayawuhlala baphephile etingotini; kodvwa lababi bayawuhlala basetinhluphekweni.

Taga 14:10

Inhlitiyo yemuntfu buhlungu bayo itetfwalela yona yodvwa, futsi kute longase abe nesabelo ekujabuleni kwayo.

Taga 14:15

Umuntfu lonengcondvo lencane wetsemba yonkhe intfo; kodvwa lohlakaniphile indlela yakhe uyayibukisisa angakacali kuhamba ngayo.

Taga 18:20

Umuntfu weneliswa nguloko lakukhulumako; angeneliswa tento temlomo wakhe.

Taga 9:12

Nawuhlakaniphile, kusitakala wena; kodvwa nangabe usedzeleli, kutawuhlupheka wena.

Jeremiya 17:5

Naku lokushiwo nguSimakadze, utsi: “Ucalekisiwe umuntfu lowetsembela kumuntfu, umuntfu lowencike emandleni alomunye umuntfu, nalonhlitiyo yakhe imfulatsela Simakadze.

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 8:5

Bahlubukeleni kepha labantfu? IJerusalema yentiwa yini lokuhlubuka njalo nje? Banamatsela ekuyengweni, bala kubuya.

Hezekeli 22:31

Ngako-ke ngiyawutfululela lulaka lwami etikwabo, ngibagwinye ngentfukutselo yami levutsako, ngikwehlisele etinhloko tabo konkhe loko labakwentile, kusho iNkhosi Simakadze.”

Hoseya 4:16

Ema-Israyeli anenkhani, anjengesitfokati lesinenkhani. Pho, Simakadze angabelusa kanjani njengemazinyane etimvu lasedlelweni?

Zefaniya 1:6

nalabo lase bancandzekile bakuyekela kulandzela Simakadze bangete bamfuna Simakadze bangabuti nekubuta kuye.

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

KubaseGalathiya 6:4

Kodvwa akube ngulowo atihlolele wakhe umsebenti, khona uyawuba nekutibonga ngekwakhe yedvwana, hhayi ngekwalomunye umuntfu.

KubaseGalathiya 6:8

Ngobe lowo lohlanyela enyameni yakhe, uyawuvuna kubola kuyo; kodvwa lohlanyela kuMoya waNkulunkulu, uyawuvuna kuphila lokuphakadze kulowo Moya.

KumaHebheru 3:12

Caphelani-ke, bazalwane, kutsi kubete emkhatsini wenu lonenhlitiyo lembi nalengakholwa, longahle ahlubuke loNkulunkulu lophilako.