Ruthe 2:2 - Siswati 1996 Bible

² Ruthe, umMowabi, wakhuluma kuNawomi, watsi: “Kuncono ngihambe ngiye ensimini ngiyewukhwimita emvakwalowo lengingahle ngitfole kuye umusa.” Nawomi waphendvula watsi: “Hamba, ndvodzakati yami.”

Ruthe 2:2 Iomraidhean Croise

Genesisi 32:6

Titfunywa tabuya kuJakobe, tafike tatsi: “Simkhandzile umnakenu Esawu; naye sewuyeta utekuhlangabeta, uta nemadvodza langemakhulu lamane.”

Levithikusi 19:10

Aniyiwubuyela ensimini yenu yemagelebisi kuyawukhwimita, ningawabutsi nemagelebisi lawele phansi nakuvunwako, niwashiyele labamphofu nemihambima. NginguSimakadze, Nkulunkulu wenu.

Levithikusi 19:16

Ungahambi unyundzela bantfu bakini; ungamelani nekuphila kwamakhelwane wakho, nginguSimakadze.

Levithikusi 19:9

“ ‘Nanivuna sivuno selive lenu, aniyiwuvuna eminyeleni yemasimi enu, ningakhwimiti ngisho nekukhwimita emvakwekuvuna kwenu.

Levithikusi 23:22

“ ‘Nanivuna tivuno temasimi enu, aniyiwuvuna nize nifike eminyeleni yemasimi enu, aniyiwubutsa ngisho nemikhwimito emvakwekuvuna kwenu. Niyawushiyela labamphofu nemihambima. NginguSimakadze, Nkulunkulu wenu.’ ”

Ruthe 2:3

Ngako-ke Ruthe wahamba wayawukhwimita emasimini emvakwebavuni. Kwenteka wangena ensimini leyayiyakaBowazi. Bowazi abewelusendvo lwaka-Elimeleki.

Ruthe 2:7

Ufike la kimi watsi: ‘Ngicela kukhwimita, ngilandzele bavuni.’ Kusukela ekuseni ngeluvivi seloku angene lapha ensimini solomane uyasebenta, uphumuphumule kancane emtfuntini.”

1 Samuweli 1:18

Hana watsi: “Shangatsi incekukati yakho ingemukeleka emehlweni akho.” Wabe sewuyahamba wayakudla, nebuso bakhe abuzange buphindze bubonakale bujabhile.