Numeri 35:21 - Siswati 1996 Bible

²¹ nome atfukutsele wamshaya wambulala ngesibhakela, lowo muntfu uyawubulawa; ungumbulali. Umphindziseli losihlobo semufi utawutsi angahlangana nalombulali ambulale.

Numeri 35:21 Iomraidhean Croise

Genesisi 4:14

Asubuke, sewuyangicosha lamuhla la emhlabatsini, ngisuke nasebukhoneni bakho, ngibe ngumhambuma neluzulane emhlabeni; kantsi futsi wonkhe lohlangana nami uyawungibulala.”

Genesisi 9:5

Umuntfu lobulala lomunye umuntfu uyawujeziswa, nesilwane lesibulala umuntfu ngiyawusijezisa. Ngulowo nalowo uyawutilandza ngengati yalomunye.

2 Samuweli 14:11

Waphendvula watsi: “Nkhosi, ngicela kutsi uthandaze kuSimakadze Nkulunkulu wakho, kutsi lesihlobo sami lesifuna kukhokha sibhongo ngekubulala lendvodzana yami, singengeti bubi ngekubulala lena lenye indvodzana yami.” Inkhosi yatsi: “Ngifunga kuphila kwaSimakadze ngitsi, ngisho lunwele lunye enhloko yendvodzana yakho lungeke luwele emhlabatsini.”

Hezekeli 16:38

Ngiyawukugweba ngesijeziso sebafati labagwadlako nalabacitsa ingati; ngiyakwehlisela etikwakho imphindziselo yengati ngekwelulaka lwami nangekwentfukutselo yesikhwele sami.

Numeri 35:19

Umphindziseli losihlobo sengati semufi nasihlangana nalombulali, siyawumbulala.

Numeri 35:20

“ ‘Nangabe umuntfu atondza lomunye, adzimate ambulale ngekumchilitela phansi nome ambulale ngekumjikijela ngentfo acondze kumbulala, nembala afe,

Numeri 35:22

“ ‘Kodvwa nakwenteka ngaphandle kwekutfukutsela umuntfu wachilita lomunye nome wamjikijela ngentfo angakacondzi,