Numeri 15:28 - Siswati 1996 Bible

²⁸ Umphristi uyawukwentela lowo muntfu lowone ngesiphosiso inhlawulo yekubuyisana naSimakadze. Nase amentele leyo nhlawulo yekubuyisana naSimakadze, lowo muntfu uyawube sewuyatsetselelwa.

Numeri 15:28 Iomraidhean Croise

Levithikusi 14:18

Lawa lajinge asala entsendzeni yesandla semphristi, kufanele awesulele enhloko yalona lohlanjululwako, amentele inhlawulo yekubuyisana kuSimakadze.

Levithikusi 4:2

“Tjela sive sema-Israyeli utsi: ‘Nangabe umuntfu onile wephula nome ngangumuphi wemiyalo yaSimakadze, angakacondzi, kufanele ahambe ngalemitsetfo.

Levithikusi 4:20

Uyakwenta njalo nakulenkunzana njengobe entile ngaleyo nakenta ngayo umhlatjelo wesono; umphristi uyawubentela kanjalo-ke inhlawulo yekubuyisana naSimakadze, bese bayatsetselelwa.

Levithikusi 4:35

Uyawube sewukhipha onkhe emanoni, njengobe kwentiwa nakukhishwa onkhe emanoni kulemvu yemnikelo wekuthula; umphristi uyawushisela etikwelilati kulomnikelo lowentiwa ngemlilo kuSimakadze. Umphristi uyawumentela kanjalo-ke inhlawulo yekubuyisana naSimakadze, bese-ke lomuntfu uyatsetselelwa sono sakhe.’ ”

Numeri 15:29

Lowo mtsetfo wekona ngesiphosiso uyawusebenta ngalokufananako, nome ngabe kone um-Israyeli wekutalwa nome ngabe wetive.