Nahume 3:3 - Siswati 1996 Bible

³ Bagibeli bemahhashi bayajijimeta, kumanya tinkemba, tikhali bumengemenge. Imphi yatfolana etulu, kwadzindzibala tindvundvuma tetidvumbu letingeke tibalwe nekubalwa; bantfu bagijima etikwato, tiyabagila.

Nahume 3:3 Iomraidhean Croise

Genesisi 3:24

Wamkhipha lo-Adamu; kwase kutsi ngasemphumalanga nensimi yase-Edeni wabeka emakherubhi kanye nenkemba lenelilangabi lephendvuphendvukako ilindze indlela leya esihlahleni sekuphila.

2 Emakhosi 19:35

Ngalobo busuku ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 34:3

Lababulewe bawo bayawulahlwa ngephandle, tidvumbu tawo tiyawunuka luboti; tintsaba tiyawucwila engatini yawo.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 66:16

Ngobe uyakwehlulela bonkhe bantfu ngemlilo nangenkemba; labo lababulewe nguSimakadze bayawuba banyenti.

Hezekeli 39:4

Uyakuwa etintsabeni taka-Israyeli, wena kanye nawo onkhe emabutfo akho netive letikanye nawe. Ngiyawukwenta ube kudla kuto tonkhe tinhlobonhlobo tetinyoni letidla letinye tilwane, nasetilwaneni tesiganga.

Levithikusi 26:37

Bayawugilana bawe, lomunye etikwalomunye, kube shangatsi babalekela imphi, nome kungekho lobacoshako. Ngako-ke aniyikuba nawo emandla ekuma embikwetitsa tenu.

Nahume 2:4

Tincola tawo temphi tijubalata etitaladini, tehla tiyenyuka nelidolobha. Tifanana netidlwane letivutsako, tigijime, tiklwebhe njengembane.

Habakhuki 3:11

Lilanga nenyanga kwema emazulwini ngekumanyatela kwemicibisholo yakho legijimako nangekubaneka kwekumanyatela kwesikhali sakho.