Malakhi 3:8 - Siswati 1996 Bible

⁸ “Umuntfu angemebela yini Nkulunkulu? Noko niyangebela. “Kodvwa niyabuta nitsi: ‘Sikwebela njani?’ “Ngekwelishumi nangeminikelo.

Malakhi 3:8 Iomraidhean Croise

Tihlabelelo 29:2

Libito laSimakadze linikeni bukhosi lobulifanele. Khontani Simakadze ngetembatfo tebungcwele.

Taga 11:24

Umuntfu lowephana ngemali yakhe wandzisa umcebo wakhe; lomunye uyemana, asuke agcine asaluphuya.

Isaya 43:23

Awukatiletsi kimi timvu temnikelo wakho wekushiswa, futsi awukangihloniphi nangemihlatjelo yakho. Angikakwetfwesi umtfwalo ngeminikelo yalokutinhlavu, nome-ke ngikuhluphe ngekufuna imphepho kuwe.

Levithikusi 19:25

Kodvwa ngemnyaka wesihlanu ningatidla titselo taso. Ngaleyo ndlela sivuno senu siyawukwandza. NginguSimakadze, Nkulunkulu wenu.

Zakhariya 5:3

Yakhuluma kimi, yatsi: “Lesi sicalekiso lesiphumela kuwo wonkhe umhlaba; ngobe macondzana naloko lesikushoko nganhlanye kwalencwadzi, onkhe emasela ayawucitfwa eveni, kantsi ngaloko lesikushoko ngala nganhlanye kwayo, bonkhe labafungela emanga bayawucoshwa.

Malakhi 1:13

Niphindze nitsi: ‘Maye, ngumtfwalo!’ bese nikumfumfutsa ngaphandle kwenhlonipho,” kusho Simakadze longuSomandla. “Naniletsa tifuyo letitsetfwe ngebudlova nome letichutako, nome letigulako nitinikele tibe ngumhlatjelo, kufanele ngitemukele yini kuleto tandla tenu?” kusho Simakadze.

Malakhi 1:8

Naniletsa tifuyo letitindlobho kutsi titewuba ngumhlatjelo, kulungile yini loko? Nanenta umhlatjelo ngesifuyo lesichutako nome lesigulako, kulungile yini loko? Yetamani kunikela ngato kumbusi wenu! Anganijabulela yini? Anganemukela yini?” kusho Simakadze longuSomandla.

Matewu 22:21

Bamphendvula batsi: “KwaKhesari.” Ngako watsi kubo: “Yebo-ke, nikani Khesari lokukwaKhesari; ninike Nkulunkulu lokukwaNkulunkulu!”

Makho 12:17

Jesu watsi kubo: “Yebo-ke, nikani Khesari kwaKhesari, naNkulunkulu kwaNkulunkulu.” Bamangala kakhulu ngalamavi akhe.

Lukha 20:25

Wabaphendvula watsi: “Yebo-ke, khiphani kuKhesari lokukwakhe, nikhiphe kuNkulunkulu lokukwaNkulunkulu.”

KubaseRoma 13:7

Bonkhe banikeni lokubafanele: umtselo kulofanelwe ngumtselo, inkhokhelo kulofanele kukhokhelwa; mesabeni lofanele kwesatjwa, nihloniphe lofanele kuhlonishwa.

KubaseRoma 2:22

Utsi akungaphingwa, pho, wena uphingelani? Utondza tithico, kodvwa uwagcekezelani emathempeli?

Joshuwa 7:11

Baka-Israyeli bonile; basephulile sivumelwane sami lengabayala ngaso kutsi basigcine. Batsetse letinye tetintfo bekufanele tibhujiswe; bebile, bacale emanga, letintfo labatebile batihlanganise netimphahla tabo.