Malakhi 3:7 - Siswati 1996 Bible

⁷ Kusukela esikhatsini sabokhokho benu nisukile etimisweni tami, nangete natigcina. Buyelani kimi, nami ngiyawubuyela kini,” kusho Simakadze longuSomandla. “Kodvwa niyabuta nitsi: ‘Pho, singabuyela kanjani?’

Malakhi 3:7 Iomraidhean Croise

Nehemiya 9:26

“Kodvwa abazange bakulalele, esikhundleni saloko bakuhlubuka, umtsetfo wakho bawufulatsela. Babulala baphrofethi bakho labebabayala kutsi babuyele kuwe; benta tinhlamba letesabeka kabi kakhulu.

Isaya 65:2

Lonkhe lilanga ngelule tandla tami kubantfu labanenhloko lelukhuni, labahamba etindleleni letimbi, bacoshana nemicabango yabo,

Jeremiya 16:11

Ubobe sewuyabatjela utsi: ‘Kungobe boyihlo bangilahla balandzela labanye bonkulunkulu, babasebentela, babakhonta. Bangifulatsela mine, bangete bawugcina umtsetfo wami, kusho Simakadze.

Jeremiya 16:12

Kodvwa nine senitiphetse kabi kakhulu kwendlula boyihlo. Bukani nje kutsi ngulowo nalowo wenu uyilandzela kanjani inkhani yenhlitiyo yakhe lembi, esikhundleni sekutsi ahloniphe mine.

Jeremiya 3:22

“Ncandzekani sive lesingaketsembeki, ngiyawunelapha kulokuhlubuka kwenu.” “Yebo, siyakuta kuwe, ngobe wena unguSimakadze Nkulunkulu wetfu.

Jeremiya 7:25

Kusukela ngesikhatsi lekwaphuma ngaso boyihlomkhulu eveni laseGibhithe, kuze kube ngunyalo, benginitfumelela tinceku tami baphrofethi lilanga ngelilanga njalo nje.

Jeremiya 7:26

Kodvwa abazange bangilalele, abanginakanga nekunginaka. Bacinisa tinhloko tabo, benta tono letinyenti kakhulu kunaletentiwa boyisemkhulu.

Hezekeli 2:3

Watsi: “Ndvodzana yemuntfu, ngikutfumela kuma-Israyeli, esiveni lesihlubukako nalesingihlubukile; bona naboyise solomane bayangihlubuka kuze kube ngulamuhla.

Hezekeli 20:13

“ ‘Noko bantfu baka-Israyeli bangivukela ehlane. Bangete bahamba ngetimiso tami, bayala imitsetfo yami, noko umuntfu loyilalelako uyawuphila ngayo, bawona kakhulu emaSabatha ami. Ngako ngatsi ngitawutfululela lulaka lwami etikwabo ngibabhubhisele ehlane.

Hezekeli 20:21

“ ‘Kodvwa bantfwababo bangivukela: Abazange bahambe ngetimiso tami, abazange bakunakekele kugcina imitsetfo yami, noko umuntfu loyilalelako uyawuphila ngayo, bawona emaSabatha ami. Ngako ngatsi ngiyawutfululela lulaka lwami etikwabo, ngicedzele intfukutselo yami etikwabo ehlane.

Hezekeli 20:28

Nangibafikisa eveni lengafunga kutsi ngitalinika bona, benelela kufika kulo, babona tonkhe tintsaba letiphakeme netihlahla letimacembe ato avoshokile, base besuka banikelela khona imihlatjelo yabo, benta iminikelo leyangicunula mine ngase ngiyatfukutsela, betfula imphepho yabo letsaphukako, batfulula iminikelo yabo yetinatfo.

Hezekeli 20:8

“ ‘Kodvwa bangivukela, bangete bangilalela; abazange batilahle letitfombe tabo letenyanyekako lebese babeke emehlo abo kuto, futsi abazange batilahle tithico taseGibhithe. Ngako ngatsi ngitawutfululela lulaka lwami etikwabo, ngicedzele kutfukutsela kwami etikwabo eGibhithe.

Hoseya 14:1

Awu, ma-Israyeli, buyani, nibuyele kuSimakadze Nkulunkulu wenu. Tono tenu ngito letiniwisile.

Zakhariya 1:3

Ngako-ke tjela bantfu, utsi: Naku lokushiwo nguSimakadze longuSomandla, utsi: ‘Buyelani kimi,’ kusho Simakadze longuSomandla, ‘nami ngitawubuyela kini,’ kusho Simakadze longuSomandla.

Malakhi 1:6

Simakadze Somandla utsi: “Indvodzana ihlonipha uyise, kantsi nesisebenti sihlonipha inkhosi yaso. Nangabe nginguyihlo, aningihloniphi leni? Nangabe ngiyinkhosi, aningihloniphi ngani? Ngini nine baphristi, lenedzelela Libito lami. “Kodvwa niyabuta nitsi: ‘Siledzelele kanjani Libito lakho?’

Malakhi 3:13

Simakadze utsi: “Nikhulume kimi emavi lanelulaka nalabuhlungu. “Noko niyabuta nitsi: ‘Sikhulumeni lokumelene nawe?’

Matewu 23:27

“Maye kini, bafundzisi bemtsetfo nebaFarisi! Batentisi! Nifana nemathuna lacakaciwe aba mhlophe, abukeka amahle ngephandle, kodvwa ngekhatsi abe agcwele ematsambo ebantfu labafile nekungcola konkhe.

Lukha 15:16

Yayilamba idzimate ifise kudla imidvumba ledliwa tingulube, ngobe yayinganikwa ngumuntfu kudla.

KubaseRoma 10:21

Kodvwa nga-Israyeli utsi: “Lonkhe lilanga ngelulela tandla tami esiveni lesingalaleli nalesinenkhani.”

KubaseRoma 10:3

Ngobe ngekungakwati kahle kulunga lokuvela kuNkulunkulu, bafuna kutimisela lokungekwabo kulunga, abazange batinikele ngekutfobeka ekulungeni kwaNkulunkulu.

KubaseRoma 7:9

Nami matfupha ngase ngaphila ngaphandle kwemtsetfo; kodvwa kwatsi kube kufike umyalo, sono savuka indlwabane,

Dutheronomi 31:20

Ngitawutsi ngingabangenisa kulelive leligcwele lubisi neluju lwetinyosi, live lengaletsembisa ngesifungo kubokhokho babo, futsi batsi bangadla besutse, banotse, bayawube sebaphambukela kulabanye bonkulunkulu babakhonte, bangilahle mine, bephule nesivumelwane sami.

YaJakobe 4:8

Sondzelani kuNkulunkulu, naye utawusondzela kini. Gezani tandla tenu, nine toni, nihlambulule tinhlitiyo tenu, nine bantfu labanetinhlitiyo letimbili.