Lukha 15:14 - Siswati 1996 Bible

¹⁴ Yayidla yonkhe imali. Kwefika indlala lenkhulu kulelo live, ingasenalutfo yahlupheka kakhulu.

Lukha 15:14 Iomraidhean Croise

2 Tikhronike 33:11

Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.

Taga 13:25

Umuntfu lolungile udla esutse; kodvwa sisu salababi sihlala silambile.

Hezekeli 16:27

Ngako-ke ngelulela sandla sami etikwakho, ngalinciphisa live lakho; ngakunikela ebugovini betitsa takho, emadvodzakati emaFilisti, labeshacekile ngekutiphatsa kabi kwakho.

Lukha 15:13

“Kwatsi ngemalangana indvodzana lencane yatsengisa lifa layo, yahamba nalemali yalibangisa eveni lelikhashane, lapho yayihlaphata khona imali ihleti ngekonakala.

Lukha 15:15

Ngako-ke yahamba yayawufuna umsebenti kumuntfu walelo live, wayitfumela enhlonhleni yakhe kuyakwelusa tingulube.