Lukha 12:28 - Siswati 1996 Bible

²⁸ Nangabe Nkulunkulu embatsisa tjani besiganga lobukhona lamuhla, kusasa abusekho sebushile, angeke yini etsembeke kutsi anganembatsisa nani? Maye, bantfu bekukholwa lokuncane!

Lukha 12:28 Iomraidhean Croise

Isaya 40:6

Livi litsi: “Memeta.” Mine ngitsi: “Ngimemete kutsini?” “Bonkhe bantfu banjengetjani, nako konkhe kudvuma kwabo kunjengembali yesiganga.

Matewu 14:31

Masinyane Jesu welula sandla sakhe, wambamba watsi: “Maye, kukholwa kwakho kuncane-bo! Ungatsitelani?”

Matewu 16:8

Kepha Jesu akwati loko watsi kubo: “Nine bantfu bekukholwa lokuncane, nentiwa yini kutsi nikhulumisane nodvwana ngekutsi kwentiwa ngobe nite tinkhwa?

Matewu 17:17

Jesu waphendvula watsi: “Yehheni, situkulwane lesingakholwa nalesiphambene, kuyawudzimate kube ngunini nginani? Kuyawudzimate kube ngunini nginibeketelela? Yiletseni la kimi!”

Matewu 17:20

Jesu wabaphendvula watsi: “Kwentiwe kutsi nine ninekukholwa lokuncane, ngobe ngicinisile, ngitsi kini: Naningaba nekukholwa lokuncane lokungangenhlavu yendlulamitsi, ningatsi kulentsaba: ‘Suka la, uye lapha,’ ivele isuke. Kute lokungete kwenteka kini. [

Matewu 6:30

Kodvwa nangabe Nkulunkulu abembatsisa kangaka tjani besiganga, lobuphilako lamuhla, kusasa bushe, akayiwunembatsisa kakhulu yini nine leninekukholwa lokuncane?

Matewu 8:26

Jesu wabaphendvula watsi: “Nesabani, nine bekukholwa lokuncane?” Wasukuma wasekhuta lesivunguvungu kanye nelwandle, kwase kuba khona kuthula lokukhulu.

Lukha 8:25

Wase utsi kubo: “Kuphi kukholwa kwenu?” Besaba bamangala, badzimate bakhulumisana bodvwana batsi: “Ngubani kantsi lona, ngobe ukhalimela umoya nemanti kumlalele?”

KumaHebheru 6:7

Umhlabatsi lonatsa emanti emvula nayina njalo nje, bese umilisa tilimo letiba lusito kulabo labawulimako, ubusiswa nguNkulunkulu.

1 yaPhetro 1:24

Ngobe umBhalo utsi: “Wonkhe umuntfu ufanana netjani; nebukhosi bakhe bunjengembali yesiganga; tjani buyabuna, nembali yabo iyahhohloka.