Lukha 12:23 - Siswati 1996 Bible

²³ Ngobe imphilo ibaluleke kakhulu kunekudla, nemtimba ubaluleke kakhulu kunetimphahla.

Lukha 12:23 Iomraidhean Croise

Genesisi 19:17

Atsi kube abakhiphele ngaphandle, lomunye wawo watsi: “Balekani nitewusindza! Ningasabuki nasemuva, ningemi ndzawo kulelitsafa. Balekani nicondze ngasetintsabeni, ningahle nehlelwe ngulesijeziso.”

Jobe 1:12

Simakadze wakhuluma kuSathane, watsi: “Kulungile, konkhe lanako kusetandleni takho, kodvwa ungasibeki sandla sakho emtimbeni wakhe.” Ngako Sathane wahamba, wesuka kuSimakadze.

Jobe 2:4

Sathane waphendvula Simakadze, watsi: “Sikhumba esikhunjeni! Umuntfu angalahlekelwa nguko konkhe lanako ngenca yemphilo yakhe.

Jobe 2:6

Simakadze wakhuluma kuSathane, watsi: “Kulungile phela, usetandleni takho; kodvwa ungambulali.”

Taga 13:8

Bunjinga bemuntfu bungaba yinhlawulo yekuphila kwakhe; kodvwa luphuya alusongelwa lutfo.

Lukha 12:22

Jesu wase utjela bafundzi bakhe utsi: “Ngako-ke nginitjela kutsi: Ningakhatsateki ngemphilo yenu, nekutsi nitawudlani, nangekutsi nitakwembatsani emitimbeni yenu.

Lukha 12:24

Ase nibuke emangangane! Akahlanyeli akavuni; ate tincolobane netilulu, kodvwa noko Nkulunkulu uyawondla. Nibaluleke kakhulu kangakanani-ke nine kunetinyoni!

Imisebenti yebaPhostoli 27:38

Kwatsi nase sidle sonkhe sesutsa, kwase kuphungulwa umkhumbi ngekulahla kolo emantini.