Lukha 1:27 - Siswati 1996 Bible

²⁷ Beyitfunywe entfombini lenguMariya labesamiselwe Josefa, lijaha lelusendvo lwenkhosi Davide.

Lukha 1:27 Iomraidhean Croise

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Isaya 7:14

Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.

Jeremiya 31:22

Uyawuzulazula kuze kube ngunini, awu, ndvodzakati lengaketsembeki? Simakadze uyawudala intfo lensha emhlabeni, umfati uyakuyivikela indvodza.”

Matewu 1:16

Jakobe watala Josefa, indvodza yaMariya, unaboJesu lobitwa ngekutsi nguKhristu.

Matewu 1:18

Kutalwa kwaJesu Khristu kwaba nje-ke: Kwatsi Mariya unina asamiselwe Josefa, basengakahlangani, watfolakala asakhuleliswe nguMoya Longcwele.

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Lukha 1:28

Ingilosi yeta kuye, yefika yatsi: “E! Sikhulekile! Wena lobusisekile, iNkhosi inawe.”