Levithikusi 25:36 - Siswati 1996 Bible

³⁶ Ungambiti intalo, kodvwa yesaba Nkulunkulu wakho, kuze lomnakenu atewuhlala nawe.

Levithikusi 25:36 Iomraidhean Croise

Nehemiya 5:15

Bonkhe babusi lababephetse ngembili kwami babengumtfwalo kubantfu, futsi babephocelela kutsi bantfu bakhiphe kudla neliwayini kanye netinhlavu tesiliva letingema-40 ngelilanga. Ngisho netisebenti tabo tatingumtfwalo kubantfu. Noko mine angikwentanga loko ngenca yekwesaba Nkulunkulu.

Nehemiya 5:3

Labanye babekhuluma batsi: “Senta sibambiso ngemasimi etfu, nangetivini tetfu, nangetindlu tetfu, khona sitewutfola kudla ngesikhatsi sendlala.”

Tihlabelelo 15:5

Webolekisa ngemali yakhe angayengeti intalo nase ikhishwa. Akakwemukeli kudizelwa entele kulahla lote licala. Umuntfu lowenta letintfo uyawuhlala atinte kuze kube phakadze.

Eksodusi 22:24

intfukutselo yami iyawunivutsela, nginibulale ngenkemba. Bafati benu bayawuba bafelokati, nebantfwabenu babe tintsandzane.

Eksodusi 22:25

“Nanebolekise ngemali kulomunye webantfu bami labamphofu labahlala nani, ningalingisi umbolekisi ngekukhokhisa intalo.

Taga 28:8

Nangabe umuntfu acetjiswa kwebolekisa ngekubita intalo lenkhulu, ingcebo yakhe itakuya kubantfu labaphatsa kahle timphuya.

Isaya 24:2

Bonkhe bantfu bayawuhlupheka ngalokufananako: Umphristi njengebantfu, umcashi njengesisebenti, inkhosikati njengencekukati, umtsengisi njengemtsengi, umbolekisi njengemboleki, umkweledisi njengemkweledi.

Jeremiya 15:10

Maye, make lowangitala, wangiletsa emhlabeni, indvodza, umhlaba wonkhe lowetama kumelana nayo! Angikebolekisi kantsi futsi angikeboleki, noko wonkhe umuntfu uyangicalekisa.

Hezekeli 18:13

Webolekisela kutsi atfole inzuzo lenkhulu, atsatse nentalo lenkhulu kakhulu. Umuntfu lonjalo angaphila kanjani-ke? Ngeke! “Njengobe ente tonkhe letintfo letisinengiso, ngempela loyo uyawubulawa, nengati yakhe iyawubasetikwenhloko yakhe.

Hezekeli 18:17

Iyasibamba sandla sayo ekoneni. Ayebolekiseli inzuzo lenkhulu, ayiyitsatsi intalo lenkhulu kakhulu. Igcina imitsetfo yami, ilandzele netimiso tami. “Leyo-ke ngeke ife ngenca yesono seyise; ngempela leyo iyawuphila.

Hezekeli 18:8

Akebolekiseli kutsi atfole inzuzo lenkhulu, nome-ke atsatse intalo lenkhulu kakhulu. Uyasibamba sandla sakhe ekwenteni lokubi, futsi wehlulela ngekungakhetsi emkhatsini wemuntfu nemuntfu.

Hezekeli 22:12

Kuwe kunemadvodza lemukela imidizo entele kucitsa ingati; utsatsa intalo ugale inzuzo lenkhulu, wente intalo yebutulujane kumakhelwane wakho ngekumcindzetela. Sewungikhohliwe mine, kusho iNkhosi Simakadze.

Levithikusi 25:17

Ningadlelelani, kodvwa yesabani Nkulunkulu wenu. NginguSimakadze, Nkulunkulu wenu.’ ”

Levithikusi 25:37

Ungameboleki imali wentele kumbita intalo, kantsi futsi ungamtsengiseli kudla ngentalo wentele kutfola inzuzo.