Levithikusi 14:45 - Siswati 1996 Bible

⁴⁵ Kufanele leyondlu idzilitwe, ematje ayo, neludzaka lwayo, netingodvo tayo, neluphahla lwayo; konkhe kubutfwe kuyewulahlwa ngaphandle kwelidolobha endzaweni lengcolile ngekwemtsetfo.

Levithikusi 14:45 Iomraidhean Croise

2 Emakhosi 10:27

Balibhubhisa lelitje laBhali lekwakutsiwa lingcwele, babhidlita nalelithempeli laBhali. Bantfu balisebentisa njengemthoyi kusukela ngalelo langa kuze kube ngulamuhla.

2 Emakhosi 18:4

Wadzilita tindzawo letiphakeme tekukhontela tithico, wabhidlita tithicomatje, wagawula tinsika tabo-Ashera, waphahlata inyoka yelitfusi leyayakhiwe nguMosi, ngobe kwaze kwaba ngungaleso sikhatsi solomane ema-Israyeli atfuncisa imphepho kuyo, kwakutsiwa nguNehushtani libito layo.

Jeremiya 52:13

Walumeka umlilo ethempelini laSimakadze nasesigodlweni senkhosi, nakuto tonkhe tindlu taseJerusalema; tonkhe letatibalulekile watishisa.

Hezekeli 5:4

Ubophindze futsi utsatse imicu yato lembalwa uyijike emlilweni uyishise. Umlilo uyawukwandza kusukela lapho, uyigcwalise yonkhe indlu yaka-Israyeli.

Levithikusi 14:41

Kufanele lingekhatsi lonkhe lelubondza lwalendlu luhwaywe, kutsi loko lokuhwaywe kulo kubutfwe kuyewulahlwa endzaweni lengcolile ngekwemtsetfo, lengaphandle kwelidolobha.

Levithikusi 14:46

“Lowo longena kuleyondlu ngesikhatsi isavaliwe utawuba ngulongcolile kuze kuhlwe.

Matewu 22:7

Inkhosi yatfukutsela kakhulu, yaze yakhipha imphi yemasotja leyafike yabulala bonkhe labo babulali, yashisa nelidolobha labo.

Matewu 24:2

Kepha waphendvula watsi: “Angitsi, niyakubona konkhe loku? Nginitjela ngitsi: Kute ngisho nalinye litje leliyawusala lihleti etikwalelinye lingakadzilitelwa phansi.”

Sembulo 11:2

Kodvwa ungasilinganisi sibuya lesingephandle kwalelithempeli, ngobe siniketwe betive labayakuwugcobagcoba lomuti longcwele tinyanga letingema-42.