Levithikusi 14:12 - Siswati 1996 Bible

¹² “Umphristi utawutsatsa linye lalamazinyane lamadvuna alinikele njengemnikelo welicala kanye nemafutsa langaba yincenye yelitha, awetfule kutsi kube ngumnikelo wekujikitiswa embikwaSimakadze.

Levithikusi 14:12 Iomraidhean Croise

Eksodusi 29:22

“Kulesihhanca ubosika konkhe lokungemanoni: umsila, nemanoni lasetibilinini, nemanoni lambonye sibindzi, nemanoni lambonye tinso totimbili kanye nato letinso, nemlente wangesekudla; ngobe lesihhanca semgcobo.

Eksodusi 29:24

Konkhe lokudla kwetfule etandleni ta-Aroni nasetandleni temadvodzana akhe, bakujikitisele kimi njengemnikelo lojikitiselwe kuSimakadze.

Eksodusi 29:26

“Ubotsatsa umganga walesihhanca sekugcotjwa kwa-Aroni uwujikitisele kuSimakadze; kube ngumnikelo wekujikitiswa. Lomganga-ke usabelo sakho.

Isaya 53:10

Simakadze utsi: “Noko kwaba yintsandvo yaSimakadze kutsi ayinyatsele, ayente ihlupheke, nome Simakadze enta kuphila kwayo kwaba ngumhlatjelo welicala, iyawubona situkulwane sayo, yandzise nemalanga ekuphila kwayo, intsandvo yaSimakadze iyawuphumelela ngesandla sayo.

Levithikusi 14:10

“Ngelilanga lesiphohlongo kufanele aletse emazinyane emvu lamabili lamadvuna nalelisikati lelinemnyaka munye budzala, onkhe angabi nasiyela, aletse nemalitha langaba sikhombisa emphuphu lecolisakele lehlanganiswe nemafutsa kube ngumnikelo walokutinhlavu, aletse nemafutsa langaba yincenye yelitha.

Levithikusi 14:11

Umphristi lowenta lenkonzo yekuhlambulula uyawuletsa kuSimakadze lomuntfu lotewuhlanjululwa amletse kanye naletintfo ekungeneni kwelithende lekuhlangana.

Levithikusi 14:19

“Umphristi kufanele ente umhlatjelo wemnikelo wesono, entele lona lotewuhlanjululwa inhlawulo yekubuyisana, khona atewuhlanjululwa ekungcoleni kwakhe. Emvakwaloko utawuhlaba lomnikelo wekushiswa,

Levithikusi 5:15

“Nangabe umuntfu ona ngekwephula munye walemiyalo lengcwele yaSimakadze angakacondzi, kufanele ahlawule kuSimakadze ngesihhanca lesingenasiyela. Bungako balesihhanca buyawubonwa nguwe ngekwesilinganiso sendzawo lengcwele; lowo-ke ngumnikelo loyinhlawulo yelicala.