Levithikusi 1:3 - Siswati 1996 Bible

³ Nangabe anikela ngesilwane kutsi sibe ngumnikelo wekushiswa, kufanele aletse inkunzana lengenasiyela. Kufanele ayinikelele ekungeneni kwelithende lekuhlangana, khona Simakadze atewumemukela.

Levithikusi 1:3 Iomraidhean Croise

Genesisi 22:13

Abrahama watsi uphakamisa emehlo uyacalata, wabona emvakwakhe kunesihhanca, sibanjwe ngetimphondvo esihlahleni. Abrahama wahamba wayawutsatsa lesihhanca, wase unikela ngaso, saba ngumhlatjelo esikhundleni sendvodzana yakhe.

Genesisi 22:2

Nkulunkulu watsi: “Tsatsa Isaka, indvodzana yakho, leyodvwana naloyitsandzako, uye eveni laseMoriya, wente umhlatjelo ngayo entsabeni lengitakulayela yona.”

Genesisi 22:8

Abrahama waphendvula watsi: “Ndvodzana yami, Nkulunkulu utatibonela yena lizinyane lemhlatjelo wekushiswa.” Ngako-ke bachubeka solomane bahamba bobabili.

Genesisi 8:20

Nowa wakhela Nkulunkulu lilati, watsatsa kuto tonkhe tifuyo letihlambulukile nakuto tonkhe tinyoni letihlambulukile, wanikela kuNkulunkulu umnikelo wekushiswa elatini.

2 Tikhronike 29:32

Linani leminikelo yekushiswa leyaletfwa libandla laba tinkunzi letingema-70, netihhanca letilikhulu, nemazinyane etimvu lamadvuna langema-200; konkhe loku kwaba ngumnikelo wekushiswa kuSimakadze.

2 Tikhronike 35:12

Behlukanisa iminikelo yekushiswa kuze bayinike letichenyana temindeni yebantfu kutsi bayinikele kuSimakadze, njengobe kubhaliwe encwadzini yaMosi. Benta njalo nangaletinkhomo.

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Tihlabelelo 40:8

Yebo, Nkulunkulu wami, kujabula kwami kusekwenteni intsandvo yakho, imiyalo yakho isenhlitiyweni yami.”

Eksodusi 12:5

Lelizinyane lenu kufanele kube ngulelite sici, libe nemnyaka munye budzala; nilehlukanise nemhlambi wetimvu nome wetimbuti.

Eksodusi 24:5

Watfuma emajaha etive tema-Israyeli, anikela iminikelo yekushiswa, ngemihlatjelo ngetinkunzana taba ngiminikelo yekuthula kuSimakadze.

Eksodusi 29:18

Sonkhe lesihhanca usishisele etikwelilati sibe ngumnikelo wekushiswa kuSimakadze. Lelo liphunga lelinuka lusi lolumnandzi kuSimakadze, umnikelo lowentiwa ngemlilo kuSimakadze.

Eksodusi 29:4

“Uboletsa bo-Aroni kanye nemadvodzana akhe bete ekungeneni kwelithende lekuhlangana, bese ubageza ngemanti.

Eksodusi 29:42

“Kuyawuhlala kungumnikelo wekushiswa titukulwane ngetitukulwane, wentiwe ekungeneni kwelithende lekuhlangana embikwaSimakadze; kulapho ngitabohlangana khona nebantfu bami, ngikhulume kuwe.

Eksodusi 32:6

Ngakusasa bavuka ekuseni ngeluvivi baletsa iminikelo yekushiswa kanye neminikelo yekuthula. Bantfu bahlala phansi, badla, banatsa, basukuma badlala.

Eksodusi 35:21

Ngulowo nalowo lonelikhono kanye nabo bonkhe labatsintseka etinhlitiyweni nasemoyeni wabo baletsa umnikelo kuSimakadze wekutsi usetjentiswe ethendeni lekuhlangana nasekukhonteni kanye nasekwelukeni tembatfo letingcwele.

Eksodusi 35:29

Onkhe ema-Israyeli, labadvuna nalabasikati, lababenetinhlitiyo letivumako tekunikelela wonkhe lomsebenti, Simakadze labeyale Mosi kutsi awente, bakuletsa kuSimakadze, kwaba ngumnikelo wesihle.

Eksodusi 35:5

Tsatselani Simakadze umnikelo kuloko leninako. Wonkhe lonenhlitiyo levumako akaletse umnikelo kuSimakadze: umnikelo wegolide, newesiliva, newelitfusi,

Eksodusi 36:3

Batsatsa kuMosi tonkhe timphahla tekwakha indzawo lengcwele. Letimphahla nguleto letatinikelwe ngema-Israyeli, wona abechubeka aletsa iminikelo kuMosi onkhe emalanga ekuseni.

Eksodusi 38:1

Besaleli wakha lilati lekushisa iminikelo; walakha ngemgamba. Lelilati lalinemihlubulo lelinganako: budze lalingemasentimitha labengaba ngema-220, nebubanti lobabungemasentimitha labengaba ngema-220, nekuphakama lingemasentimitha labengaba li-130.

Isaya 1:11

Simakadze utsi: “Lemihlatjelo yenu leminyenti iyini lapha kimi? Sengesutsi ngiminikelo yekushiswa yetihhanca neyemanoni etifuyo letikhuluphalisiwe, futsi angijatjuliswa yingati yetinkunzi, neyemazinyane etimvu neyetiphongo.

Hezekeli 20:40

Ngobe entsabeni yami lengcwele, intsaba lephakeme yaka-Israyeli, lapho kulelo live yonkhe indlu yaka-Israyeli iyawukhonta mine, lapho-ke ngulapho ngiyawubemukela khona, kusho iNkhosi Simakadze. Lapho-ke ngiyakuyifuna iminikelo yenu netipho tenu telikhetselo, kanye nemihlatjelo yenu lengcwele.

Hezekeli 40:39

Kulomhubhe lobukene nesibuya kwakunematafula lamane, kumunye ngamunye umhlubulo wawo amabili, kutsi kuhlatjelwe etikwawo tilwane temhlatjelo wekushiswa samuku, netemhlatjelo wesono, netemnikelo wenhlawulo.

Levithikusi 1:10

“Nangabe anikela ngemvu nome ngembuti kutsi ibe ngumnikelo wekushiswa, kufanele kube sihhanca nome siwewe lesingenasiyela.

Levithikusi 14:10

“Ngelilanga lesiphohlongo kufanele aletse emazinyane emvu lamabili lamadvuna nalelisikati lelinemnyaka munye budzala, onkhe angabi nasiyela, aletse nemalitha langaba sikhombisa emphuphu lecolisakele lehlanganiswe nemafutsa kube ngumnikelo walokutinhlavu, aletse nemafutsa langaba yincenye yelitha.

Levithikusi 16:7

Emvakwaloko Aroni kufanele atsatse letiphongo letimbili atetfule kuSimakadze ekungeneni kwelithende lekuhlangana.

Levithikusi 17:4

angakakuletsi ekungeneni kwelithende lekuhlangana kutsi atewukunikela kuSimakadze ethendeni lekukhontela embikwaSimakadze, lowo muntfu unelicala lekucitsa ingati. Kufanele ancunywe esiveni sakubo, ngobe sewucitse ingati.

Levithikusi 17:8

“Khuluma kubo utsi: ‘Wonkhe um-Israyeli nome wetive lohlala nani lonikela ngemnikelo wekushiswa nome ngemhlatjelo,

Levithikusi 17:9

kodvwa angawuletsi ekungeneni kwelithende lekuhlangana kutewunikela ngawo kuSimakadze, lowo muntfu kufanele ancunywe esiveni sakubo.

Levithikusi 23:12

Ngalelo langa leniyawujikitisa ngalo sitfungo emvakweliSabatha kufanele ninikele kuSimakadze umhlatjelo wekushiswa, ube lizinyane lemvu lelite siyela,

Levithikusi 23:18

Lesinkhwa niyawusiletsa kanye nemazinyane lamadvuna etimvu lasikhombisa lanemnyaka munye budzala langenasiyela, nenkunzana yinye netihhanca letimbili, tibe ngumnikelo wekushiswa kuSimakadze kanye naleminikelo yato yalokutinhlavu, neminikelo yetinatfo, umnikelo lowentiwa ngemlilo, liphunga lelinuka lusi lolumnandzi kuSimakadze.

Levithikusi 3:1

“Nangabe kukhona lonikela ngenkhomo kutsi ibe ngumnikelo wekuthula, kufanele kube yinkunzana nome sitfokati lesingenasiyela, awetfule embikwaSimakadze.

Levithikusi 4:15

Baholi besive bayawubeka tandla tabo etikwenhloko yayo embikwaSimakadze, bese ibulawelwa khona lapho embikwaSimakadze.

Levithikusi 4:23

bese uyatiswa kutsi wonile, uyawuletsa siphongo lesingenasiyela sibe ngumnikelo wakhe wesono.

Levithikusi 4:3

“ ‘Nangabe kona umphristi logcotjiwe waze wehlisela lelo cala lakhe esiveni, uyawuletsa inkunzana lengenasiyela ayinikele ibe ngumhlatjelo wesono sakhe kuSimakadze.

Levithikusi 4:32

“ ‘Nangabe lomuntfu aletsa imvu, kufanele kube ngulensikati lengenasiyela.

Levithikusi 5:15

“Nangabe umuntfu ona ngekwephula munye walemiyalo lengcwele yaSimakadze angakacondzi, kufanele ahlawule kuSimakadze ngesihhanca lesingenasiyela. Bungako balesihhanca buyawubonwa nguwe ngekwesilinganiso sendzawo lengcwele; lowo-ke ngumnikelo loyinhlawulo yelicala.

Levithikusi 5:18

Kufanele ahlawule kumphristi, ngesihhanca lesingenasiyela. Bungako baso buyawukalwa nguwe njengesimiso semnikelo welicala. Umphristi uyawumentela kanjalo-ke inhlawulo yekubuyisana naSimakadze; lowo muntfu uyawube sewuyatsetselelwa licala lakhe lalente angakacondzi.

Levithikusi 6:2

“Nangabe umuntfu ona, futsi angetsembeki kuSimakadze ngekutsi entele makhelwane wakhe bucili, nome ngekutsengiselana, nome ngekumhumusha, nome ngani,

Levithikusi 6:8

Simakadze wayala Mosi watsi:

Levithikusi 7:16

“ ‘Nangabe umuntfu aletsa umnikelo wekufeza setsembiso nome umnikelo wesihle, kufanele udliwe ngalelo langa lawunikela ngalo; nakukhona lokusele, kungaphindze kudliwe futsi nangakusasa.

Levithikusi 8:18

Emvakwaloko Mosi waletsa lesihhanca lesingumnikelo wekushiswa, Aroni nemadvodzana akhe babeka tandla tabo etikwenhloko yaso.

Levithikusi 8:21

Wageza loku kwangekhatsi nemilente yaso, wase usishisa sonkhe elatini. Lomnikelo kwaba ngumnikelo wekushiswa, liphunga lelinuka lusi lolumnandzi, umnikelo lowentiwa ngemlilo kuSimakadze, njengobe Simakadze abeyale Mosi.

Levithikusi 9:2

Wakhuluma ku-Aroni watsi: “Tsatsa inkunzana lengenasiyela nesihhanca lesingenasiyela utekunikela kuSimakadze: inkunzana ibe ngumnikelo wesono, sihhanca sibe ngumnikelo wekushiswa.

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Malakhi 1:14

“Ucalekisiwe umuntfu lotsi anesifuyo lesemukelekako lesidvuna emhlambini wakhe, afunge kutsi utawunikela ngaso, kodvwa bese uyesuka lapho unikela kuSimakadze ngalesinye lesinesici. Ngobe mine ngiyinkhosi lenkhulu, neLibito lami liyesatjwa etiveni tonkhe,” kusho Simakadze longuSomandla.

Numeri 15:3

nibobe seniletsa iminikelo leyentiwa ngemlilo kuSimakadze, ibe yetinkhomo, nome yetimbuti, nome yetimvu, kube liphunga lelinuka lusi lolumnandzi kuSimakadze. Kungaba ngumnikelo wekushiswa, nome umhlatjelo wekugcwalisa setsembiso lesitsite, nome umnikelo wesihle, nome iminikelo yemikhosi.

Numeri 15:8

Nawulungisa inkunzana kutsi ibe ngumnikelo wekushiswa nome ibe ngumhlatjelo wesetsembiso lesitsite nome semnikelo wekuthula kuSimakadze,

Numeri 19:2

“Lesi-ke sekuyawuba simiso semtsetfo lomiswe nguSimakadze: Tjela sive sema-Israyeli kutsi siletse litfokati lelibovu lelingenasiyela nasici, lekungazange sekubekwe lijoko entsanyeni yalo.

Numeri 23:19

Nkulunkulu akasiye umuntfu kutsi angacala emanga, futsi akasiyo indvodzana yemuntfu legucukako engcondvweni yayo. Uyakhuluma yini angabe asenta? Uyetsembisa yini angabe asasifeza setsembiso sakhe?

Numeri 23:27

Bhalaki wakhuluma kuBhalamu, watsi: “Kota, sihambe nawe, siye kulenye indzawo, mhlawumbe kungahle kumjabulise Nkulunkulu, akuvumele kutsi ungicalekisele lesive ukuleyo ndzawo.”

Numeri 23:3

Bhalamu wakhuluma kuBhalaki, watsi: “Mani lapha eceleni kwemnikelo wakho, mine ngisaphambuka; ngisafuna kuhlola kutsi Simakadze utawuhlangabetana yini nami. Loko langembulela kona nawe ngitakwatisa.” Asakushito loko, wase ukhuphukela egcumeni lelingenatihlahla.

Numeri 23:30

Bhalaki wenta njengekusho kwaBhalamu, wanikela inkunzi nesihhanca kulelo nakulelo lilati.

Numeri 28:11

“ ‘Ngelilanga lekucala enyangeni niyakwetfula kuSimakadze umnikelo wekushiswa wetinkunzana letimbili, nesihhanca sinye, nemazinyane lamadvuna etimvu lasikhombisa, lanemnyaka munye budzala, nalangenasiyela.

Numeri 28:19

Niyakwetfula kuSimakadze umnikelo lowentiwa ngemlilo, umnikelo wekushiswa wetinkunzana letimbili, nesihhanca sinye, nemazinyane lamadvuna etimvu lasikhombisa lanemnyaka munye budzala, onkhe abe ngulangenasiyela.

Numeri 28:31

Leyo-ke niyawuyenta kanye neminikelo yayo yesinatfo, ngetulu kwalena leshiswa onkhe emalanga neminikelo yayo yalokutinhlavu. Nicaphelisise kutsi letifuyo atinasiyela ngempela yini.’ ”

Numeri 29:13

Niyakwetfula kuSimakadze umnikelo lowentiwa ngemlilo, kube liphunga lelinuka lusi lolumnandzi kuSimakadze, umnikelo wekushiswa wetinkunzana letili-13, netihhanca letimbili, nemazinyane lamadvuna lali-14 etimvu lanemnyaka munye budzala, onkhe angabi nasiyela.

Numeri 29:2

Niyakwenta umnikelo wekushiswa ngenkunzana yinye nesihhanca sinye, nemazinyane etimvu lamadvuna lasikhombisa, lanemnyaka munye budzala, nalangenasiyela. Loko-ke liphunga lelinuka lusi lolumnandzi kuSimakadze.

Lukha 1:35

Ingilosi yamphendvula yatsi: “Moya Longcwele uyakwehlela kuwe, emandla aNkulunkulu Losetikwako Konkhe akusibekele. Ngako-ke lomntfwana Longcwele lotawutalwa nguwe uyawubitwa ngekutsi yiNdvodzana yaNkulunkulu.

Johane 1:36

Wabona Jesu atihambela nje watsi: “Bukani! Nalo liWundlu laNkulunkulu!”

Johane 10:7

Ngako Jesu waphindza watsi kubo: “Ngicinisile, ngicinisile, ngitsi kini: Mine ngilisango letimvu.

Johane 10:9

Mine ngilisango, umuntfu nakangena ngami uyawusindziswa; uyawungena, aphume, akhandze lidlelo.

2 kubaseKorinthe 8:12

Nangabe umuntfu atimisele ngekunikela, akukabhekeki kutsi anikele ngaloko late kona, kodvwa ubhekeke kunikela ngaloko lanako.

2 kubaseKorinthe 9:7

Lowo nalowo akatincumele yena enhlitiyweni yakhe kutsi utawunikela kangakanani, bese unikela ngekukhululeka, hhayi ngekusola nangekucindzetelwa. Nkulunkulu utsandza umuntfu lonikela ngenhlitiyo lemhlophe.

Kubase-Efesu 2:18

Ngobe ngaye sobabili sinekungena ngaMoya munye kuYise.

Kubase-Efesu 5:27

khona atetimisela libandla lelinebukhosi, lingabi nabala nome sici nome yini lokunjalo; kodvwa libe ngcwele lingabi nacala.

Dutheronomi 12:27

Niyakwetfula iminikelo yenu yekushiswa elatini laSimakadze Nkulunkulu wenu, inyama nengati kokubili. Ingati yemihlatjelo yenu kufanele icitselwe emaceleni elilati laSimakadze Nkulunkulu wenu, kodvwa lenyama ningatidlela.

Dutheronomi 15:21

Nangabe sifuyo sichwalile, sichuta nome siyimphumphutse, nome sinesiyela lesibi kabi, ungacali usente umhlatjelo kuSimakadze Nkulunkulu wakho.

Dutheronomi 17:1

“Ninganikeli kuSimakadze Nkulunkulu wenu umhlatjelo wenkhomo, nome wemvu, nome wembuti lechwalile nome lenesiyela, ngobe loko kusinengiso kuSimakadze.

KumaHebheru 7:26

Jesu-ke ungumPhristi Lomkhulu lohlangabetana netidzingo tetfu. Ungcwele, ute sici nome sono, akasoleki; wehlukaniswa netoni, waphakanyiswa waba ngetulu kwemazulu.

KumaHebheru 9:14

inganihlambulula kakhulu kangakanani-ke ingati yaKhristu! Watinikela yena kuNkulunkulu ngaMoya waphakadze, watinikela ate sici. Ingati yakhe iyawuhlambulula nembeza wenu emisebentini lefile, kuze nikhonte Nkulunkulu lophilako.