kuThithusi 3:3 - Siswati 1996 Bible

³ Ngobe natsi matfupha sake saba tilima, singalaleli, sidukiswa, sitigcili tato tonkhe tinkhanuko nekutamasa. Besiphila ebubini nasemoneni, sitondzekile, sitondzana.

kuThithusi 3:3 Iomraidhean Croise

Genesisi 38:9

Kodvwa Onani, njengobe abati kutsi utabe utalele umnakabo, inhlanyelo yakhe abeyicitsela phansi njalo nje nakalala nalomkhula wakhe.

Genesisi 39:16

Lengubo wayigcina lomfati, kwaze kwefika indvodza yakhe.

Tihlabelelo 36:2

Utiphakamisa kangangekutsi akabuboni nebubi besono sakhe.

Taga 8:5

Yeyi nine leningakakhuli engcondvweni, fundzani nikhule ekuhlakanipheni. Nine lenilibele, buyisani tingcondvo tenu.

Taga 9:6

Shiyani bulima benu, khona nitewuphila nihambe ngendlela yekucondza.”

Isaya 44:20

Utondla ngemlotsa, edukiswe yinhlitiyo lekhohlisiwe; angeke atisindzise nome atsi: “Lentfo lesesandleni sami sangesekudla ayisiwo yini emanga?”

Obadiya 1:3

Kutigcabha kwenhlitiyo yakho kukwedukisile, wena uhlala endlunkhulu yakho lesemifantwini yemadvwala. Umuti wakho usetulu etintsabeni. Wena utitjela utsi: ‘Ngubani nje longangehlisela phansi?’

Matewu 21:29

Yaphendvula yatsi: ‘Yebo, Babe, ngitakuya,’ kepha yangete yaya.

Lukha 21:8

Jesu watsi: “Caphelani, ningedukiswa. Kuyawufika bantfu labanyenti egameni lami, batsi: ‘Nginguye!’ batsi: ‘Sikhatsi sesifikile!’ Kodvwa ningabalandzeli!

Johane 8:34

Jesu watsi kubo: “Ngicinisile, ngicinisile, ngitsi kini: Wonkhe umuntfu lowenta sono, usigcili sesono.

KubaseRoma 11:30

Empeleni nine animlalelanga Nkulunkulu, kodvwa nyalo senemukeliswe sihawu ngenca yekungamlaleli kwebaka-Israyeli.

KubaseRoma 6:12

Ngako-ke ningasivumeli sono kutsi siphindze siyibuse lemitimba yenu lebhubhako. Ningabobe nisatilandzela ngisho netinkhanuko temitimba yenu.

KubaseRoma 6:17

Akabongwe Nkulunkulu, ngobe benitigcili tesono kodvwa seniwatfobele ngenhlitiyo yenu yonkhe emaciniso emfundziso leseniyemukele.

KubaseRoma 6:22

Kodvwa nyalo senikhululiwe esonweni, senitigcili taNkulunkulu; nitfola sitselo senu sekungcweliswa. Siphetfo saloko kuphila lokuphakadze.

KubaseRoma 6:6

siyati kutsi umuntfu wetfu lomdzala wabetselwa esiphambanweni kanye naye, khona kutewutsi umtimba wetfu wesono utewufa, singabe sisagcilatwa sono.

2 kubaseKorinthe 12:20

Ngobe ngesaba kutsi mhlawumbe ngiyawutsi ngiyefika lapho kini nginikhandze ningesiko loko lengibheke kutsi nibe ngiko, nami ningikhandze ngingesiko loko lenibheke kutsi ngibe ngiko. Ngesaba kutsi mhlawumbe kunekulwa, nemona, nekutfukutsela, nebugovu, nenkhani, nenhlebo, nekutatisa, nesiphitsiphitsi.

KubaseGalathiya 6:3

Nangabe umuntfu aticabanga kutsi ulutfo, kantsi akasilo lutfo, uyatiyenga.

KubaseKholose 1:21

Nani-ke benikadze nikhashane naNkulunkulu nititsa takhe ngemicabango nangemisebenti yenu lemibi.

KubaseKholose 3:7

Nani nake natiphatsa kanjalo.

2 kuThimothi 3:13

kepha lababi nebakhohlisi bayawudlanga ngebubi, bedukise, nabo bedukiswe.

2 kuThimothi 3:6

Ngobe emkhatsini wabo laba kukhona labakhokhobela kungena etindlini talabasikati lababutsakatsaka ngekusindvwa tono tabo, baholwa tinkhanuko letimihibahiba.

kuThithusi 1:16

Bavuma ngemlomo kutsi bayamati Nkulunkulu, kepha ngetento tabo bayamphika; bayenyanyeka, abalaleli, bayehluleka kwenta nome ngabe yini lenhle.

kuThithusi 2:12

Lomusa usifundzisa kutsi sikudzele kungakholwa, nekutsi sitilumule etinkhanukweni telive, bese siphila ngekuzitsa, nangekulunga, nangekumesaba Nkulunkulu kulomhlaba,

YaJakobe 1:26

Umuntfu locabanga kutsi uyakholwa, abe angalubophi lulwimi lwakhe, uyatikhohlisa enhlitiyweni yakhe, nekukholwa kwalowo muntfu kulite.

1 yaPhetro 1:14

Lalelani Nkulunkulu njengebantfwana bakhe, ningabuswa tinkhanuko tenu letatinibusa nisengakati lutfo ngekukholwa nguJesu Khristu.

Sembulo 12:9

Nyokangwenya lomkhulu walahlelwa phansi, leya nyoka yasemandvulo, lebitwa ngekutsi nguMhlebi nome nguSathane, uMkhohlisi wemhlaba wonkhe. Wajikijelwa phansi emhlabeni kanye netingilosi takhe.

Sembulo 13:14

Silo sesibili savunyelwa kutsi sikhohlise bonkhe bantfu labahlala emhlabeni ngaletibonakaliso lesasitenta ngeligunya lesilo sekucala. Lesilo sesibili sabatjela kutsi bakhe umfanekiso, bakhele lesilo sekucala lesasinelinceba lenkemba lelelashwa laphiliswa.

Sembulo 18:2

Yamemeta ngelivi lelikhulu yatsi: “Iwile, yebo, iwile iBhabhulona lenkhulu! Seyigucuke yaba likhaya lemadimoni, nesihhehle sekubhaca bonkhe bomoya lababi, nesato tonkhe tinyoni letingcolile naletenyanyekako.